logo_geo
eng_logo
რატი იონათამიშვილი: ოპოზიციის აქციის შინაარსი აბსურდულია, ეს მხოლოდ პოლიტიკური პარტიების პროტესტია და არა მოსახლეობის
- +

26 თებერვალი. 2021. 12:43

 

 

„აქციის შინაარსი და მოთხოვნები ნამდვილად აბსურდულია“, – ამის შესახებ საპარლამენტო უმრავლესობის წევრმა, რატი იონათამიშვილმა დღეს ოპოზიციის მიერ დაგეგმილ მსვლელობასთან დაკავშირებით განაცხადა.

 

მისივე თქმით, დიდი ხანია, ოპოზიციის მიზანია, პოლიტიკურ და საზოგადოებრივ ცხოვრებაში მეტი დაძაბულობა შეიტანოს.

 

„ქვეყანაში აზრის გამოხატვა თავისუფალია და ეს სტანდარტი დაცული იქნება. რაც შეეხება აქციის შინაარსსა და მოთხოვნებს, ეს ნამდვილად უსაფუძვლო და აბსურდულია, რადგან არ აქვს მხარდაჭერა არც ქვეყნის შიგნით და არც მის გარეთ. დიდი ხანია, ოპოზიციის მიზანია, პოლიტიკურ და საზოგადოებრივ ცხოვრებაში მეტი დაძაბულობა და რადიკალიზაცია შეიტანოს. ვინც ეცდება, თამაშის წესები ამ პრინციპებზე ააგოს, განწირული იქნება, რადგან ეს თანამედროვე ქართულ საზოგადოებაში პერსპექტივას ვერასდროს მოიპოვებს. ეს არ არის მოსახლეობის პროტესტი, ეს მხოლოდ პოლიტიკური პარტიების პროტესტია. მმართველი გუნდი ყოველთვის მოწოდებულია, ნებისმიერი მნიშვნელოვანი საკითხი დიალოგის გზით, მოლაპარაკების მაგიდასთან გადაწყდეს, რაზეც რადიკალური ოპოზიცია არ მოდის და ყოველთვის ცდილობს, პროცესების რადიკალიზება მოახდინოს“, – განაცხადა რატი იონათამიშვილმა.

 

 

წყარო : wyaro
right_banner right_banner
არქივი
right_banner