logo_geo
eng_logo
მიხეილ სარჯველაძე: პოლიცია საზოგადოებრივ წესრიგსა და უსაფრთხოებას უზრუნველყოფს, ხელები შორს პოლიციისგან
- +

26 თებერვალი. 2021. 19:47

 

 

„არანორმალურია, როდესაც ასეთ განცხადებებს ვისმენთ და ასეთ შეურაცხმყოფელ ტონს, სიტყვებს პოლიციის მიმართ, ეს დაუშვებელია“, – ასე გამოეხმაურა საქართველოს პარლამენტის ადამიანის უფლებათა დაცვის კომიტეტის თავმჯდომარე, მიხეილ სარჯველაძემ „ევროპული საქართველოს“ წევრის გიგი უგულავას განცხადებას.

 

„რეალურად, პოლიცია არის ძალა, რომელიც უზრუნველყოფს ჩვენთვის, ჩვენი საზოგადოებისთვის ერთ-ერთ უმთავრეს ღირებულებას, ეს არის საზოგადოებრივი წესრიგი და უსაფრთხოება. ამიტომ, ყველამ ხელები შორს პოლიციისგან. მინდა, შემთხვევით ვისარგებლო და ის პოლიციელები გავამხნევო, რომელთაც უწევთ ასეთი დაუმსახურებელი შეურაცხყოფების ატანა, მხოლოდ იმიტომ, რომ ისინი არიან რეალურად, კეთილი საქმის მსახურნი. რა თქმა უნდა, აბსოლუტურად დაუშვებელია ის, რასაც ვხედავთ, არა მხოლოდ ამ კონკრეტულ შემთხვევაში, არამედ ხშირ შემთხვევაში, ვხედავთ პოლიციის მიმართ სრულიად დაუსაბუთებელ, უსაფუძვლოდ ტალახის სროლას“, – განაცხადა მიხეილ სარჯველაძემ.

 

„ევროპული საქართველოს“ წევრმა, გიგი უგულავამ მთავრობის ადმინისტრაციასთან, აქციაზე სიტყვით გამოსვლისას პოლიციელებს მიმართა:

 

„ერთი კაცის დასაჭერად მოსული 3 600 ადამიანი – ეს პოლიცია არ არის, ეს არის უკვე ბანდა და საქართველოს არ სჭირდება პოლიციის ფორმაში ჩაცმული ბანდა.

 ეს არის სამწუხარო რეალობა, მაგრამ ძალიან ბევრი თქვენგანი, ღირსების ნაცვლად, აღმოჩნდა უღირსობის მორევში.

ძალიან ვწუხვარ, მაგრამ ეს არის ფაქტი. მონა, რომელიც თავისუფლებისთვის არ იბრძვის და მონად დარჩება, ქართულ პოლიციაში მისი ადგილი არ არის და ის ზონდერი, თქვენ უკან რომ იმალება, მისი ადგილი სად არის, ძალიან კარგად ნახავს თვითონ ძალიან მალე“, – განაცხადა გიგი უგულავამ.

 

 

right_banner right_banner
არქივი
right_banner