logo_geo
eng_logo
ირაკლი კობახიძე: 19 აპრილის შეთანხმება ანულირებულია - აღარასდროს მოვაწერეთ ხელს მსგავსი ტიპის შეთანხმებას, რომელიც გულისხმობს კონსტიტუციური ჩარჩოდან გასვლას
- +

3 აგვისტო. 2021. 00:21

 

 

„19 აპრილის შეთანხმების ანულირებას არ ჰქონდა სხვა ალტერნატივა“, – ამის შესახებ ჟურნალისტებს საპარლამენტო უმრავლესობის ლიდერმა, ირაკლი კობახიძემ განუცხადა.

მისივე თქმით, მმართველი გუნდის პოზიცია არის არის ურყევი.

 

„შეთანხმება არის ანულირებული და ამას ჰქონდა ძალიან მყარი მიზეზი. მიზეზი არის ის, რომ პოლარიზებულ ქართულ სამყაროში არის ორი სხვადასხვა პოლუსი: „ქართული ოცნება“, „ნაციონალური მოძრაობა“. ამ პირობებში, როდესაც ხელს აწერს ერთი მხარე და არ აწერს მეორე მხარე, ბუნებრივია, საუბარი ზედმეტია ამ დოკუმენტის მიზნის მიღწევაზე. აქედან გამომდინარე, ანულირებას არ ჰქონდა სხვა ალტერნატივა. ეს მოცემულობა ყველასთვის უნდა იყოს სახელმძღვანელო, როდესაც ვსაუბრობთ ჩვენს მომავალ პერსპექტივებზე.

 

ჩვენ გვაქვს პოზიცია, რომ შეთანხმება არის ანულირებული და ანულირება ნიშნავს ანულირებას. აქედან გამომდინარე, პოზიციას არ შევიცვლით, ვერ შევიცვლით და უფრო მეტიც, მსგავსი ტიპის შეთანხმებას ჩვენ აღარასდროს მოვაწერეთ ხელს, ისეთ შეთანხმებას, რომელიც გულისხმობს, თუნდაც დროებით, კონსტიტუციური ჩარჩოდან გასვლას. ჩვენ ყველას ავუხსნით ყველაფერს“, – აღნიშნა ირაკლი კობახიძემ.

 

 

right_banner right_banner
არქივი
right_banner