logo_geo
eng_logo
მარინა კალურანდი: მოვუწოდე მიხეილ სააკაშვილს ისე, როგორც მოვუწოდებ ყველა ქართველ პოლიტიკოსს, არ უნდა გაამძაფრონ პოლარიზაცია
- +

15 სექტემბერი. 2021. 01:34

 

 

„მოვუწოდებ მიხეილ სააკაშვილს ისე, როგორც ყველა პოლიტიკურ პარტიასა და ქართველ პოლიტიკოსს, მათ პოლარიზაცია არ უნდა გაამძაფრონ, არ უნდა დაძაბონ და გაამწვავონ პოლიტიკური მდგომარეობა, ძალიან ყურადღებით განიხილონ გადასადგმელი ყველა ნაბიჯი“, – ტელეკომპანია „იმედის“ ცნობით, ამის შესახებ ევროპარლამენტარმა, მარინა კალურანდმა მიხეილ სააკაშვილთან შეხვედრის შემდეგ განაცხადა.

 

„რაც შეეხება სააკაშვილის საქართველოში გამგზავრებას, განვიხილეთ ეს საკითხი. სააკაშვილს იცნობენ საქართველოში, ზოგს მოსწონს, ზოგს სძულს, მაგრამ ის ცნობილი ფიგურაა და პოლიტიკურ პროცესებზე გავლენის მოხდენა ქვეყნის გარედანაც შეუძლია. გადაწყვეტილება მან უნდა მიიღოს. ჩვენი მოწოდებაა, არ შეიქმნას დამატებით პოლარიზაცია ან დამატებითი პრობლემები, რადგან ისედაც რთული პერიოდია და არჩევნებია. არ ვარ იმ პოზიციაზე, რომ რეკომენდაციის მიცემა შემეძლოს წასვლაზე ან წაუსვლელობაზე. მე მოვუწოდე მიხეილ სააკაშვილს ისე, როგორც მოვუწოდებ ყველა პოლიტიკურ პარტიას და ქართველ პოლიტიკოსს, მათ პოლარიზაცია არ უნდა გაამძაფრონ, არ უნდა დაძაბონ და გაამწვავონ პოლიტიკური მდგომარეობა, ძალიან ყურადღებით განიხილონ გადასადგმელი ყველა ნაბიჯი. საქართველოს არ სჭირდება პოლარიზაცია. საქართველოს სჭირდება სამართლიანი არჩევნები, მხარეების მიერ არჩევნების შედეგების აღიარება“, – განაცხადა კალიურანდმა.

 

 

წყარო : wyaro
right_banner right_banner
არქივი
right_banner