logo_geo
eng_logo
უზენაესი სასამართლოს მოსამართლეობის სამი კანდიდატის საქართველოს კანონმდებლობის მოთხოვნებთან შესაბამისობის დასადგენად პარლამენტში სამუშაო ჯგუფი შეიქმნა
- +

18 ნოემბერი. 2021. 13:32

 

 

იურიდიულ საკითხთა კომიტეტმა იუსტიციის უმაღლესი საბჭოს მიერ პარლამენტისთვის ასარჩევად წარდგენილი უზენაესი სასამართლოს მოსამართლეობის სამი კანდიდატის საქართველოს კონსტიტუციისა და სხვა კანონის მოთხოვნებთან შესაბამისობის დადგენის ხელშეწყობის მიზნით სამუშაო ჯგუფი შექმნა.

 

იუსტიციის უმაღლესი საბჭოს მიერ წარდგენილი კანდიდატები არიან: ნინო სანოძე, თამარ ოქროპირიძე და თეა ძიმისტარაშვილი.

 

სამუშაო ჯგუფის მდივანი ფრაქცია „ქართულ ოცნების“ თავმჯდომარის მოადგილე რატი იონათამიშვილი იქნება. სამუშაო ჯგუფში „ქართულ ოცნებას“ 13 წევრი ეყოლება, ხოლო ყველა დანარჩენ ფრაქციას, პოლიტიკურ ჯგუფს და უფრაქციო დეპუტატებს თითო-თითო წევრის წარდგენის შესაძლებლობა აქვთ. სამუშაო ჯგუფში კვოტები, ასევე, განსაზღვრულია აკადემიური და პროფესიული წრეების წარმომადგენლებისთვისაც.

 

 

right_banner right_banner
არქივი
right_banner