logo_geo
eng_logo
ფილიპ რიკერი: აშშ ყველაფერს აკეთებს, რაც დაგეხმარებათ, მიაღწიოთ ევროატლანტიკურ ინტეგრაციას, რადგან ეს არის ის მომავალი, რომელიც ხალხს სურს
- +

1 დეკემბერი. 2022. 10:55

 

 

 

„მოხარული ვარ საქართველოში დაბრუნებით, ქვეყანაში რომელიც კრიტიკულად მნიშვნელოვანია რეგიონული მშვიდობისთვის, სტაბილურობისა და ურთიერთკავშირებისთვის. გასულ წელს, აქ ყოფნისას მჭიდროდ ვთანამშრომლობდი ქართველ ლიდერებთან თქვენს მეზობლებს, სომხეთსა და აზერბაიჯანს შორის მედიაციისთვის“, - ამის შესახებ კავკასიის მოლაპარაკებების საკითხებში აშშ-ის მთავარმა მრჩეველმა, ელჩმა, ფილიპ რიკერმა განაცხადა.

 

მისივე თქმით, საქართველო განაგრძობს რეგიონულ უსაფრთხოებაში წვლილის შეტანას.

 

ფილიპ რიკერის განცხადებით, „პრემიერ-მინისტრმა, ირაკლი ღარიბაშვილმა შეუცვლელი როლი შეასრულა ტყვეების გაცვლასა და საბრძოლო ზონაში ნაღმების ადგილმდებარეობის გაზიარების უზრუნველყოფით“.

 

„ევროკავშირის მონიტორინგის შესაძლებლობების მხარდაჭერით, საქართველო განაგრძობს რეგიონულ უსაფრთხოებაში წვლილის შეტანას. მოხარული ვარ, კვლავ შევხვდე პრემიერს და განვიხილო რეგიონული საკითხები. ოქტომბერში ვხელმძღვანელობდი აშშ-ის დელეგაციას ჟენევის საერთაშორისო დისკუსიებში. ამ ვიზიტის დროს განვიხილავ, როგორ განვაგრძოთ ძალისხმევა რეგიონული მშვიდობისთვის, სტაბილურობისა და კეთილდღეობისთვის, მათ შორის, როგორ შეუძლია აშშ-სა და საქართველოს, ხელი შეუწყონ საქართველოში რუსული ოკუპაციის მშვიდობიან მოგვარებას და ზეწოლა განახორციელონ რუსეთზე, შეასრულოს 2008 წლის ცეცხლის შეწყვეტის შეთანხმებით ნაკისრი ვალდებულებები“, - განაცხადა რიკერმა.

 

მისივე თქმით, აშშ მოწოდებულია, დაეხმაროს საქართველოს უსაფრთხოებისა და კეთილდღეობის უზრუნველყოფაში, როგორც ამას გასული 30 წლის განმავლობაში აკეთებდა.

 

„ეს მოიცავს ჩვენს მტკიცე ერთგულებას საქართველოს სუვერენიტეტისა და ტერიტორიული მთლიანობის მიმართ. ჩვენ ამაყი ვართ საქართველოს გვერდით დგომით, რამდენადაც თქვენ მიისწრაფვით ნატოსა და ევროკავშირის წევრობისკენ. აშშ განაგრძობს იმ ყველაფრის კეთებას, რაც დაგეხმარებათ, მიაღწიოთ ევროატლანტიკურ ინტეგრაციას, რადგან ეს არის ის მომავალი, რომელიც ხალხს სურს და იმსახურებს. მინდა, მადლობა გადავუხადო საქართველოს მოქალაქეებს სტუმართმოყვარეობისა და აშშ-თან მტკიცე პარტნიორობისთვის. როგორც ქართველები ამბობენ, თუ სტუმარი ღვთის საჩუქარია, მაშინ საქართველო არის საჩუქარი ჩემნაირი სტუმრებისთვის“, - განაცხადა რიკერმა.

 

 

right_banner right_banner
არქივი
right_banner