logo_geo
eng_logo
მამუკა მდინარაძე სააკაშვილის ლობისტებზე: ეს არის პირველი შემთხვევა მსოფლიოში, როდესაც პიარშიკები დაუქირავეს ავადმყოფობას
- +

6 დეკემბერი. 2022. 17:38

 

 

„ჩვენ ვხედავთ, რომ რამდენიმე თვის ინტერვალში, მეორდება ხოლმე, უმძიმესი პროგნოზების გაკეთება და ეს ყველაფერი, წინა, არცერთ შემთხვევაში, სიმართლეს არ შეესაბამებოდა. ახლა განსხვავება ის არის, რომ როგორც ჩანს, ლობისტები ამოქმედდნენ. პრაქტიკულად, ერთი და იგივე სათაურებით და ფოტოთიც კი იდება სხვადასხვა უცხოურ პრესაში მიხეილ სააკაშვილის შესახებ სტატიები. ანუ ლობირება უკვე ხორციელდება მისი ავადმყოფობის“, - ამის შესახებ „ქართული ოცნების“ აღმასრულებელმა მდივანმა მამუკა მდინარაძემ განაცხადა.

 

როგორც მდინარაძემ აღნიშნა, ეს არის ერთადერთი შემთხვევა მსოფლიოში, როდესაც ავადმყოფობის ლობირება ხდება.

 

„ეს არის პირველი შემთხვევა მსოფლიოში, როდესაც პიარშიკები დაუქირავეს ავადმყოფობას და ლობისტები დაუქირავეს პიარ მოცემულობას, რომ ვიღაცა არის ცუდად და ა.შ. კონკრეტული პატიმარი არის, სხვა პატიმრებთან შედარებით პრივილეგირებულ მდგომარეობაში და მის ჯანმრთელობაზე ზრუნავენ პროფესიონალი ექიმები. დანარჩენი, ყველაფერი, არის სასამართლოს გადასაწყვეტი, ჩვენ მის კომპეტენციაში ვერ ჩავერევით. მისი ჯანმრთელობის მდგომარეობა არის ერთი სამართლებრივი მხარე, არის მეორე და ყველას ვთხოვ, რომ ამ სამართლებრივ ჩარჩოებში მოექცეს და ნუ ითხოვენ ისეთ რაღაცას, რაც კანონმდებლობით არ არის გათვალისწინებული. ზუსტად ამას ვამბობდი და იმავეს გავიმეორებ, რაც არ უნდა პარადოქსული იყოს ათობით შეკვეთილი სტატია, როდესაც ფოტოც კი არ არის განსხვავებული და ერთი და იგივე ფაილი არის გაგზავნილი ბევრგან, ლობისტების მიერ. ერთი და იგივე ფოტოთი და სათაურით იძებნება უცხოურ მედიაში და ქვეყნდება სტატიები, ეს იმას ნიშნავს, რომ პიარკამპანია, ლობისტების მიერ, დაიგეგმა და ხორციელდება“, - განაცხადა მდინარაძემ.

 

 

right_banner right_banner
არქივი
right_banner