logo_geo
eng_logo
კომუნიკაციების კომისიის წარმომადგენლებმა საერთაშორისო ტელეკომუნიკაციების კავშირის (ITU) ევროპის რეგიონის ფორუმში მიიღეს მონაწილეობა
- +

30 ოქტომბერი. 2020. 12:35

 

 

კომუნიკაციების კომისიის წარმომადგენლებმა საერთაშორისო ტელეკომუნიკაციების კავშირის (ITU) ევროპის რეგიონის ფორუმში მიიღეს მონაწილეობა. ამის შესახებ ინფორმაციას კომუნიკაციის კომისია ავრცელებს.

 

ფორუმის თემა ისეთ მნიშვნელოვან საკითხებს ეხებოდა, როგორიცაა 5G-ის დანერგვის სტრატეგია, პოლიტიკის განსაზღვრა და მისი განხორციელება. გარდა IთU-ს წევრი ქვეყნებისა, ფორუმში რამდენიმე რეგიონალური ორგანიზაციაც მონაწილეობდა, მათ შორის, ევროკავშირის ელექტრონული კომუნიკაციების მარეგულირებლების გაერთიანება (BEREC) და აღმოსავლეთ პარტნიორობის ელექტრონული კომუნიკაციების მარეგულირებლების გაერთიანება (EaPeReg), რომელსაც კომუნიკაციების კომისია უკვე ორჯერ, 2015 და 2019 წლებში, თავმჯდომარეობდა.

 

სესიაზე - 5G-ის ეროვნული სტრატეგიები და პოლიტიკა ევროკავშირის არაწევრი ქვეყნებისთვის - კომუნიკაციების კომისიის წარმომადგენელმა 5G-ის განვითარებასთან დაკავშირებით საქართველოში არსებული ვითარება გააცნო.

 

კომისიის წარმომადგენელმა შეხვედრაზე, ასევე ისაუბრა 5G-ის სტრატეგიასა და სპექტრის რეგიონალურ ხელშეკრულებაზე, რომელიც კომუნიკაციების კომისიის მიერ არის ინიცირებული და რომლის მიზანსაც აღმოსავლეთ პარტნიორობის რეგიონში სპექტრის ჰარმონიზაცია წარმოადგენს.

 

 

right_banner
არქივი
right_banner