„არის გარკვეული დაყოვნებები გადაყვანის​, გარკვეული პრობლემები, მაგრამ ვფიქრობ ძირითადად ყველა ადამიანს ეწევა სამედიცინო დახმარება და ჰოსპიტალურიც, თუკი ეს მას სჭირდება“, - ასე უპასუხა „ქრონიკის“ შეკითხვას ამირან გამყრელიძემ, ქვეყანაში მძიმე პაციენტების მკურნალობასთან დაკავშირებით.

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის თქმით, აქტიური ინფიცირების შემთხვევების 33% ჰოსპიტალში გადის მკურნალობას.

„დღეს 319 კრიტიკული პაციენტია, რომლებიც იმყოფებიან მართვით სუნთქვაზე. დაახლოებით 100-მდეა ჟანგბად დამოკიდებული ადამიანი, საშუალო და მძიმე მიმდინარეობის პაციენტები. ყველა ეს ადამიანი საჭიროებს სერიოზულ სამედიცინო მეთვალყურეობასა და ყურადღებას. არის გარკვეული დაყოვნებები გადაყვანის​, გარკვეული პრობლემები, მაგრამ ვფიქრობ ძირითადად ყველა ადამიანს ეწევა სამედიცინო დახმარება და ჰოსპიტალურიც, თუ კი ეს მას სჭირდება. დღეს ჰოსპიტლებში 6 ათასამდე ადამიანია მოთავსებული, ანუ აქტიური შემთხვევების 33-34% არის ჰოსპიტლებში“, - განაცხადა გამყრელიძემ.

წყარო :