logo_geo
eng_logo
ბექა ლილუაშვილი: საქართველოს საგარეო ვალი მდგრად მაჩვენებელზეა და მისი მომსახურეობა გამოწვევებთან არ იქნება დაკავშირებული
- +

1 დეკემბერი. 2020. 19:07

 

 

„დღეის მდგომარეობით, მათ შორის 2021 წლის ბიუჯეტში საგარეო ვალის გათვალისწინებული მოცულობა მდგრად მაჩვენებელზეა, რაც შეფასებულია არა მხოლოდ ჩვენი მხრიდან, არამედ საერთაშორისო ორგანიზაციების მიერ“, - ამის შესახებ „ქართული ოცნების“ საარჩევნო სიის წევრმა, ბექა ლილუაშვილმა განაცხადა.

 

მისი თქმით, ამ ვალის მომსახურეობა საქართველოს ეკონომიკური პროგნოზების შესაბამისად, ქვეყნისთვის გამოწვევებთან დაკავშირებული არ იქნება.

 

„რა თქმა უნდა, მთავრობის მიზანია აღნიშნული მაჩვენებლის ეტაპობრივი შემცირება მომდევნო წლების განმავლობაში და ჩვენი ეკონომიკური პროგნოზები ამის საშუალებას მოგვცემს. ჯერ კიდევ მნიშვნელოვან გამოწვევად რჩება კორონავირუსი და მასთან დაკავშირებული გაურკვევლობები, რაც პანდემიას ახასიათებს. ბიუჯეტზე მუშაობისას ჩვენ გვქონდა საშუალება, რომ მაგალითად, დაგვეფარა ევრო ფონდები და ვალის მაჩვენებელი ოდნავ უფრო შეგვემცირებინა, მაგრამ ჩვენ ფინანსური რესურსი დავიტოვეთ, იმისთვის, რომ თუ მომდევნო პერიოდში რამე ტურბულენტობას ექნება ადგილი, კონკრეტული საჭიროებების დაფინანსება განვახორციელოთ. მარტივად რომ ვთქვათ, ერთი მხრივ ჩვენი ვალის მაჩვენებელი მდგრადია და მზადაა, რომ მომდევნო წლებში 50-55%-მდე შემცირდეს მშპ-სთან მიმართებაში, თუმცა იქიდან გამომდინარე, რომ პანდემიის გამო ჯერ კიდევ გარკვეული რისკები არსებობს, დავიტოვეთ ე.წ. ბალიში, რათა მნიშვნელოვანი მიმართულებები დავაფინანსოთ. იცით, რომ უპრეცედენტოდ მასშტაბურ პროექტებს ვახორციელებთ ქვეყანაში, იმისთვის, რომ გაიზარდოს ეკონომიკა და გაიზარდოს დასაქმება. ასეთია მაგალითად პირველი - ძირითადი ავტომაგისტრალი და მეორე - კახეთის მიმართულება. შესაბამისად, საგარეო ვალის არსებითი ნაწილი სწორედ ამ კაპიტალური პროექტების განხორცილებაზეა მიმართული. როდესაც ეს პროექტები დასრულდება, ბუნებრივია, ვალის მოცულობა ეტაპობრივად შემცირდება. მიუხედავად იმისა, რომ 2022 წლისთვის ჩვენ ეკონომიკის 4,3%-იანი ზრდის მაჩვენებელი გვაქვს, გრძელვადიან პერიოდში, 2021-2025 წლებში, საქართველოს საპროგნოზო მაჩვენებელი არის მაღალი, როგორც რეგიონის, ისე ევროპის ქვეყნებთან შედარებით. ეს ნიშნავს იმას, რომ მომავალ წელს საქართველოს ეკონომიკა სწრაფად გამოვა კრიზისიდან და უკვე მის მომდევნო პერიოდში იმ რეფორმებიდან გამომდინარე, რომელსაც ჩვენ ვახორციელებთ, ეკონომიკა იმაზე სწრაფად გაიზრდება, ვიდრე რეგიონსა თუ ევროპაში“, - განაცხადა ბექა ლილუაშვილმა.

 

 

წყარო : wyaro
right_banner right_banner
არქივი
right_banner