logo_geo
eng_logo
ამირან გამყრელიძე: მომავალ კვირას „ფაიზერის“ ბოლო გადაწყვეტილება გვეცოდინება - სავარაუდოდ, „ასტრაზენეკას“ ვაქცინა „ფაიზერს“ დაასწრებს
- +

27 თებერვალი. 2021. 15:40

 

დაავადება კონტროლის ეროვნული ცენტრის დირექტორის ამირან გამყრელიძის განცხადებით, საქართველოში „ფაიზერის“ ვაქცინამდე, სავარაუდოდ, „ასტრაზენეკას“ ვაქცინა შემოვა. როგორც გამყრელიძემ სააგენტო „ინტერპრესნიუსს“ განუცხადა, მარტში საქართველოში ვაქცინაციის პროცესი „აუცილებლად დაიწყება“.

 

„მოლაპარაკების იმ წერტილამდე ვართ მისული, რომ მარტში იქნება შესაბამისი დოზები. დიდი ალბათობით „ასტრაზენეკა“ დაასწრებს „ფაიზერს“, მაგრამ მომავალი კვირას „ფაიზერთან“ გვაქვს ტელეკონფერენცია, სადაც გვეცოდინება „ფაიზერის“ ბოლო გადაწყვეტილება. „ასტრაზენეკას“ გარკვეული დოზები, დიდი ალბათობით, დაასწრებს და ქვეყანაში ვაქცინაცია დაიწყება მარტში იმ სქემით, რომელიც ვაქცინაციის ეროვნული გეგმის მიხედვითაა გათვალისწინებული. მოლაპარაკებები მიმდინარეობს ძალიან ბევრ კომპანიასთან, ასევე თვალყურს ვადევნებთ ჯანმრთელობის მსოფლიო ორგანიზაციის სპეციალურ სიას, რომელიც უკეთებს დასტურს სხვადასხვა ვაქცინას, რომ ის აღიარებულია. პარალელურად მიმდინარეობს აქტიური მუშაობა კოვაქსთან, ასევე 4-5 მწარმოებლებთან, დამატებით დოზებთან მიმართებით“, - განაცხადა გამყრელიძემ.

წყარო : wyaro
right_banner right_banner
არქივი
right_banner