logo_geo
eng_logo
ირაკლი ღარიბაშვილი წამლების ფასებზე: არსებობს ინფორმაცია, რომ კომპანიები ზოგიერთ წამალს 300-400%-იან ფასნამატს ადებენ....
- +

2 აგვისტო. 2021. 11:25

 

 

„ჩვენს მოსახლეობას ფარმაცევტულ ბაზარზე არსებული სიტუაცია აწუხებს. ქვეყანაში წამლების ფასები ძალიანაა გაზრდილი. ყველა სტატისტიკა ამაზე მეტყველებს და ყველა უკიდურესადაა ამის გამო შეწუხებული და შეშფოთებული. უკვე არაერთხელ ვესაუბრე კონკურენციის სააგენტოს ხელმძღვანელს, რომელიც აღნიშნულ ანგარიშზე მუშაობს“, - ამის შესახებ საქართველოს პრემიერ-მინისტრმა, ირაკლი ღარიბაშვილმა მთავრობის სხდომაზე განაცხადა.

 

მისივე თქმით, სააგენტო მონიტორინგის შუალედურ ანგარიშს ახლო დღეებში წარმოადგენს.

 

„მინდა, ჯანდაცვის მინისტრს დავავალო, მასთან მჭიდრო კომუნიკაციაში იყოს და საზოგადოებას დროულად წარუდგინოს არსებული ვითარების ანალიზი და შემდეგ, რეალურად, გამოსავლის გზები დავსახოთ. არ მინდა, წინასწარი დასკვნები გავაკეთო, მაგრამ არსებობს ინფორმაცია, რომ კომპანიები ზოგიერთ წამალს 300-400%-იან ფასნამატს ადებენ. ეს აბსოლუტურად მიუღებელია, მსგავსი რამ არცერთ ქვეყანაში არ ხდება. ეს კარგად უნდა შევისწავლოთ და შესაბამისი გადაწყვეტილებები მივიღოთ უმოკლეს დროში, რადგან ეს ჩვენი მოსახლეობის კეთილდღეობაზე აისახება“, - აღნიშნა ირაკლი ღარიბაშვილმა.

 

 

right_banner right_banner
არქივი
right_banner