logo_geo
eng_logo
სექსუალურ ძალადობაში მხილებულ პარლამენტის დეპუტატს პროკურატურამ ბრალი წარუდგინა
- +

8 ოქტომბერი. 2019. 22:42

 

პროკურატურამ დეპუტატ ილია ჯიშკარიანს თამთა თოდაძის მიმართ განხორციელებული სექსუალური ხასიათის სხვაგვარი ქმედებისა და ცემის ფაქტზე ბრალი წარუდგინა.

 

„2019 წლის 8 ოქტომბერს, კლინიკა „ნიუ ჰოსპიტალში“, ისნის რაიონის საკრებულოს მაჟორიტარ დეპუტატ ილია ჯიშკარიანს, 2019 წლის 30 სექტემბერს, მისი წარმომადგენლობითი ბიუროს სპეციალისტის თამთა თოდაძის მიმართ განხორციელებული სექსუალური ხასიათის სხვაგვარი ქმედებისა და ცემის ფაქტზე, წარედგინა ბრალდება საქართველოს სისხლის სამართლის კოდექსის 138-მუხლის მე-2 ნაწილის „ბ“ ქ/პუნქტითა (სექსუალური ხასიათის სხვაგვარი ქმედება, რომელიც არ შეიცავს ამ კოდექსის 137-მუხლით გათვალისწინებული დანაშაულის ნიშნებს, ჩადენილი ძალადობით, სამსახურეობრივი მდგომარეობის გამოყენებით) და საქართველოს სისხლის სამართლის კოდექსის 126-მუხლის პირველი ნაწილით. (ცემა, რამაც დაზარალებულის ფიზიკური ტკივილი გამოიწვია, მაგრამ არ მოჰყოლია ამ კოდექსის 120-მუხლით გათვალისწინებული შედეგი),“ - ნათქვამია ინფორმაციაში.

 

აღსანიშნავია, რომ საკრებულოს თანამშრომელმა, თამთა თოდაძემ, მმართველი პარტია „ქართული ოცნების" დეპუტატი, ისნის მაჟორიტარი ილია ჯიშკარიანი, მის მიმართ სექსუალურ და ფიზიკურ ძალადობაში დაადანაშაულა.

 

 

 

 

 

right_banner
არქივი
right_banner