logo_geo
eng_logo
ჩაქვში ძალოსნობის სავარჯიშო ბაზის მშენებლობა დაიწყო
- +

29 ოქტომბერი. 2020. 21:35

 

პირველი თანამედროვე სტანდარტების ძალოსნობის ბაზა აშენდება. საპროექტო დოკუმენტაციის მიხედვით, გათვალისწინებულია თანამედროვე ტიპის 3-სართულიანი ნაგებობის  მშენებლობა. აჭარის მთავრობის თავმჯდომარე თორნიკე რიჟვაძე მშენებლობის დაწყების პროცესს დაესწრო და აღნიშნა, რომ რეგიონში სპორტული ინფრასტრუქტურის მშენებლობა აქტიურად მიმდინარეობს.

 

ბაზის პირველი სართულის ძირითადი ნაწილი მოიცავს სავარჯიშო დარბაზს მაყურებლებისთვის განკუთვნილი ტრიბუნებით.

 

ბაზის შენობა და ყველა სახის ინფრასტრუქტურა ადაპტირებულია და შშმ პირებს, როგორც სპორტსმენებს, ასევე მაყურებლებს სრულფასოვნად შეუძლიათ ისარგებლონ ყველა სახის მომსახურებით. მეორე სართული დაეთმობა სასადილო ზონას, მოსასვენებელ სივრცესა და ოფისებს. მესამე სართულზე პროექტის მიხედვით გათვალისწინებულია საკონფერენციო დარბაზი და  სასტუმრო ზონა. ჩაქვის ძალოსნობის ბაზის მშენებლობა 2021 წლის დეკემბერში დასრულდება. 

 

ღონისძიებას აჭარის განათლების, კულტურისა და სპორტის მინისტრი, ძალოსანთა ფედერაციის წარმომადგენლები და სპორტსმენები ესწრებოდნენ.

 

 

 

 

right_banner
არქივი
right_banner