logo_geo
eng_logo
დიმიტრი ხუნდაძე: საქართველომ კორონავირუსთან ბრძოლის საუკეთესო მაგალითი აჩვენა
- +

16 მარტი. 2020. 19:38

 

 

 

„პრაქტიკულად, მთელი ფრონტია გაშლილი იმისთვის, რომ ყველა შესაძლო მიმართულება იყოს დაზღვეული, დაცული და მობილიზებული“,- ამის შესახებ პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარემ ტელეკომპანია „იმედის“ გადაცემა „დღის ქრონიკაში" განაცხადა.

 

 

დიმიტრი ხუნდაძემ ახალ კორონავირუსთან ბრძოლის კუთხით სახელმწიფოს მიერ გადადგმული ნაბიჯები შეაფასა. მისი თქმით, ვირუსთან ბრძოლაში საქართველომ საუკეთესო მაგალითი აჩვენა, თუმცა ეს თვითკმაყოფილებისა და დამშვიდების საშუალებას არ იძლევა:

 

 

„საკოორდინაციო საბჭო, პრემიერ-მინისტრის ხელმძღვანელობით, ძალიან აქტიურად მუშაობს. გარდა ჯანდაცვის მსოფლიო ორგანიზაციის მიერ მოწოდებული რეკომენდაციებისა, რომელიც სრულად სრულდება, ასევე გვაქვს შიდა, მკაცრი რეგულაციები და ვფიქრობ, რომ ზოგიერთ რეკომენდაციაში სრულიად სამართლიანად დავასწარით სხვა ქვეყნებს და შესაბამისად, შედეგიც არის სასურველი“, - განაცხადა დიმტრი ხუნდაძემ.

 

 

მისი თქმით, ყველა შესაძლო სცენარის გაშლა და შესაბამისი აქტივობის დაგეგმვა ხდება და მიუხედავად იმისა, რომ შეკავების პროცესი ძალიან აქტიურად მიმდინარეობს, არსებობს შიდა გავრცელების რისკი.

 

 

ამ კონტექსტში, დიმიტრი ხუნდაძემ მოქალაქეობრივ პასუხისმგებლობაზეც გაამახვილა ყურადღება და საზოგადოებას მოუწოდა, საჭიროების შემთხვევაში, შიდა თვითიზოლაციის მნიშვნელოვანი რეგულაცია დაიცვან:

 

 

,,მოქალაქეების მხრიდან არაერთი დარღვევის ფაქტი ფიქსირება და მე ვთხოვდი მათ, რომ ნუ ეთამაშებიან ამ პროცესს, ეს არის ძალიან მნიშვნელოვანი. მათ ვთხოვ, რომ პროცესების სწორად მართვაში ხელი შეუწყონ ხელისუფლების წარმომადგენლებს და არა პირიქით“,- აღნიშნა პარლამენტის წევრმა.

 

 

 

right_banner
არქივი
right_banner