logo_geo
eng_logo
თენგიზ ცერცვაძე: ოფიციალურად, საქართველოში კორონავირუსი 8%-მა გადაიტანა, მაგრამ არაოფიციალურად, ეს რიცხვი დაახლოებით 15% იქნება
- +

24 იანვარი. 2021. 12:18

 

 

„ყველგან ასეა - კორონავირუსი იმაზე მეტ ადამიანს აქვს გადატანილი, ვიდრე - ოფიციალური მონაცემი აჩვენებს“, - ამის შესახებ „იმედის“ გადაცემა „დილის შოუში“ ინფექციური საავადმყოფოს დირექტორმა, თენგიზ ცერცვაძემ განაცხადა.

 

„1-2 თვის წინ, როცა ქვეყანაში კორონავირუსისგან განკურნებულთა ბაზაში დარეგისტრირებული იყო მოსახლეობის 5%. ჩვენ ჩავატარეთ ანტისხეულების კვლევა და მან 10% აჩვენა. ახლა, ტესტირებით დადგენილია, რომ 8-9% დაინფიცირდა ვირუსით. ეს ნიშნავს, რომ ერთ ამდენს კიდევ ექნება გადატანილი კორონავირუსი. როცა მეკითხებიან. მოსახლეობის რამდენ პროცენტს შეიძლება ჰქონდეს ვირუსი გადატანილი, ოფიციალურად დადასტურებული რიცხვია 8%, მაგრამ დაახლოებით 15%-ს ექნება გადატანილი“, - განაცხადა თენგიზ ცერცვაძემ.

 

ამ დროისთვის ქვეყანაში კორონავირუსის 253 518 შემთხვევაა დადასტურებული. გამოჯანმრთელებულთა რაოდენობა 242 085-ს შეადგენს. გარდაიცვალა 3 055 მოქალაქე.

 

 

წყარო : wyaro
right_banner right_banner
არქივი
right_banner