logo_geo
eng_logo
მამუკა ბახტაძე ზელენსკისთან შეხვედრის შესახებ; ჩვენი მეგობარი ქვეყნების ლიდერებთან არასერიოზულ საკითხებზე არ ვსაუბრობ
- +

12 ივნისი. 2019. 00:23

 

 

„არასერიოზულ საკითხებზე არ ვსაუბრობ ჩვენი მეგობარი ქვეყნების ლიდერებთან”, – ასე საქართველოს პრემიერმინისტრმა, მამუკა ბახტაძემ,  ჟურნალისტის კითხვას უპასუხა იმის შესახებ, იყო თუ არა მიხეილ სააკაშვილის საკითხი უკრაინის პრეზიდენტთან საუბრის თემა.

 

მთავრობის მეთაურის თქმით, ოპონენტებისგან კეთდება არასერიოზული და ღიმილისმომგვრელი განცხადებები, რომელსაც რეალობასთან არავითარი კავშირი არ აქვს.

 

მამუკა ბახტაძის თქმით, ბრიუსელში, სადაც აშშ-ის დამოუკიდებლობის დღე აღინიშნებოდა, ევროპის ქვეყნების ლიდერებთან ერთად იყო მიწვეული.

 

მართლაც არასერიოზული განცხადებები მოვისმინეთ ჩვენი პოლიტიკური ოპონენტებისგან ვიზიტთან დაკავშირებით. საკითხი არის ძალიან მარტივი – ჩვენი ურთიერთობა აშშ-სთან და ევროკავშირთან არის ყველაზე მაღალ ნიშნულზე და საქართველო ნატოსთან ასე ახლოს ჯერ არასდროს ყოფილა. აქედან გამომდინარე, მე მაქვს ინტენსიური კონსულტაციები, რომ ჩვენ კიდევ უფრო წარმატებული ვიყოთ ამ გზაზე, ეს არის ჩვენი ეროვნული ინტერესები. ბრიუსელში, ევროპის დედაქალაქში, ჩვენი სტრატეგიული პარტნიორი, ამერიკის შეერთებული შტატები აღნიშნავდა დამოუკიდებლობის დღეს. იქ მიწვეულნი იყვნენ ევროპის ქვეყნის ლიდერები და მიწვეული ვიყავი მეც. რა არის ამაში გასაკვირი, ან კითხვის ნიშნის მქონე, პირიქით, ეს ხაზს უსვამს, რომ ჩვენ გვაქვს ინტენსიური დიალოგი, კონსულტაციები, რომ ვიყოთ უფრო წარმატებული იმ გზაზე, რასაც ჰქვია საქართველოს ევროკავშირში და ევროატლანტიკურ სივრცეში ინტეგრაცია”, – განაცხადა მამუკა ბახტაძემ.

 

 

right_banner right_banner
არქივი
right_banner