logo_geo
eng_logo
აქამდე ექსპლუატაციაში მიუღებელი შენობა-ნაგებობებისთვის თბილისის მერია ამნისტიას აცხადებს
- +

19 ივნისი. 2019. 12:36

 

 

დასრულებული, თუმცა ექსპლუატაციაში მიუღებელი საცხოვრებელი შენობა-ნაგებობებისთვის თბილისის მერია ამნისტიას აცხადებს. ამის შესახებ დედაქალაქის მერმა კახა კალაძემ მუნიციპალიტეტის მთავრობის სხდომაზე განაცხადა.

 

მისი თქმით, ექსპლუატაციაში შევა ყველა შენობა-ნაგებობა, რომელსაც სამშენებლო დარღვევები 2019 წლის 16 მაისის მდგომარეობით უფიქსირდებოდა, თუმცა, აქვე განსაზღვრულია გამონაკლისებიც.

 

„ამნისტია არ შეეხება ისეთ დარღვევებს, რომლებიც დაკავშირებულია უსაფრთხოებასა და ქალაქის ვიზუალურ სტანდარტთან, თუმცა, შეეხება ისეთ დარღვევებს, რომელთა გამოსწორებაც ფიზიკურად უკვე შეუძლებელია“, - განაცხადა დედაქალაქის მერმა.

 

კახა კალაძის თქმით, თბილისში 600-ზე მეტი ასეთი ობიექტია.

 

„ეს სერიოზულ პრობლემას წარმოადგენს იქ მცხოვრები ადამიანებისთვის, რადგან ამ საცხოვრებელი ფართების ფასი საბაზრო ღირებულებასთან შედარებით ძალიან დაბალია“, - აღნიშნა თბილისის მერმა.

 

მისივე თქმით, სამომავლოდ ანალოგიური დარღვევები სისხლის სამართლის დანაშაული იქნება.

 

 

right_banner right_banner
არქივი
right_banner