logo_geo
eng_logo
გოგა ხაინდრავა: მათ ბადრის მოკვლა უნდოდათ და ბოლო-ბოლო ბადრი მოკვდა
- +

20 ოქტომბერი. 2018. 23:45

 

 

 

 

რეჟისორი გოგა ხაინდრავა დარწმუნებულია, რომ ბადრი პატარკაციშვილი მოკლულია.

 

„მე არცერთი წუთი ეჭვი არ მეპარებოდა არასოდეს და ამის დამადასტურებელი უამრავი რამე იყო, გარდა იმისა, რას ფიქრობდნენ ინგლისელები. მე ძალიან კარგად მახსოვს და არაერთხელ ჩემთანაც მოუყოლია ეს ამბავი ბატონ ოქრუაშვილს – როგორ შეუკვეთა სააკაშვილმა მას ბადრი პატარკაციშვილის მკვლელობა. პირდაპირ შეუკვეთა“, – განაცხადა გოგა ხაინდრავამ ტელეკომპანია იმედის „კვირის ქრონიკაში“.

 

„მე მათთან ორი წელი და რვა თვე ვმუშაობდი. მე ყოველდღიურ საქმიანობაში ვუყურებდი ამათ რას ლაპარაკობდნენ ერთმანეთში. როგორი გარემო ჰქონდათ შექმნილი. შემდეგ ყველამ მოვისმინეთ „მასტერა“, ეს ავადხსენებული როგორ უკვეთავს. ეს ფილმში მაქვს. 2012 წელს ფილმი მაქვს გაკეთებული მათი მთავრობის დროს, სადაც ეს ყველაფერია, სადაც უაის ახვადოვს უკვეთავს ბადრის მკვლელობას და ეუბნება – ისე უნდა გაკეთდეს, რომ დაბრალდეს რუსეთს და ჩვენზე არავინ არ გამოვიდეს. და მერე ის კაცი თვითონ ყვება რატომ გააკეთა, რატომ ჩაიწერა ეს ლაპარაკი, იმიტომ, რომ „აბაროტი“ მინდოდა ამეღო, ჩვენი ბიჭები მოკლესო სააკაშვილმა და იმათ. ეს ყველაფერი ხომ ვიცოდით. რატომ გახდა ეს საკითხი დღეს ასეთი, წინასაარჩევნოდ თითქოსდა, რა წინასაარჩევნოდ?“ – განაცხადა გოგა ხაინდრავამ.

 

მისი თქმით, გამოძიება დააჩქარა ბრიტანეთის საგამოძიებო ორგანოების გადაწყვეტილებამ რომ თავიდან დაიწყოს ამ საქმეების მოკვლევა.

 

„ჯერ იქ საქმე არ არის აღძრული, მაგრამ მოკვლევა იწყება და ამან გაააქტიურა აქ. რაც ჩვენ გვესმის ეს საშინელება – სრული ცილისწამება, სიცრუე, რაღაც ნიაღვარი სიბილწის, ეს ხომ არ ცვლის, რომ მათ ბადრის მოკვლა უნდოდათ და ამას არ მალავდნენ. ეს იმას ხომ არ ცვლის რომ „მასტერა“ უკვეთავდა ახვადოვს ბადრის მკვლელობას? ეს იმას ხომ არ ცვლის რომ მამარდაშვილს ეკითხებოდა ციხეში სხვა დროს და სხვა საქმესთან დაკავშირებით ბადრის რა ვუქნათ? უნდა მოვაშთოთო. ეს ცალცალკე- სხვადასხვა დროს, სხვადასხვა ადამიანების მიერ არის ნათქვამი. ერთობლიობა, რაზეც ისინი ლაპარაკობდნენ მათ ბადრის მოკვლა უნდოდათ და ბოლო-ბოლო ბადრი მოკვდა“, - განაცხადა გოგა ხაინდრავამ.

 

რაც შეეხება იმას, საქმის გამოძიება დაიწყება თუ არა მკვლელობის მუხლით, ხაინდრავას თქმით, გამოძიებას ვერ დაიწყებს საქართველოს პროკურატურა, რადგან მკვლელობა ბრიტანეთის ტერიტორიაზე მოხდა.

 

„აქ იყო მხოლოდ მცდელობა და მოლაპარაკება ამის თაობაზე. ამ ფარგლებში შესაძლებელია მოკვლევა და ძიება გაგრძელდეს. დღეს თვითონ ბრიტანეთიც არის დაინტერესებული ამაში, რადგან მეთოდი, ხელწერა და ის ადამიანები, ვინც ამას ასრულებდნენ და ვინც არიან ამის გარშემო – ნაციონალური მოძრაობა, სააკაშვილი, ბიძამისი, ვაშაძე – საგარეო საქმეთა სამინისტროს, უფრო სწორად, კაგებეს დაწესებულება იყო ყოველთვის და დღესაც არის და ვისაც ეს სკოლა არ აქვს გავლილი იქ ვერ მოხვდება. ეს იმათი ხელწერაა და შესრულებულიც ისეთი იყო. მე ამას დიდი ხანია ვლაპარაკობ, რომ ეს ადამიანები, ვინც დღეს ევროპულ საქართველოს ამოეფარნენ, სინამდვილეში რუსულ ინტერესებს ახორციელებენ საქართველოში. ესენი არიან დანაშაულებრივი ორგანიზაცია, რომელიც საქართველოს ინტერესების წინააღმდეგ მოქმედებენ. მათ პრეტენზია ბევრ რამეზე ჰქონდათ, მაგრამ აღლუმების დროს გვამები ედოთ სახურავზე“, - განაცხადა გოგა ხაინდრავამ

 

 

 

right_banner right_banner
არქივი
right_banner
×