ხარკოვში რუსეთის მხრიდან განხორციელებული ავიაიერიშების შედეგად, 15 ადამიანი დაშავდა. დაზიანებულია 20 საცხოვრებელი კორპუსი. ინფორმაციას უკრაინული მედია ხარკოვის საოლქო პროკურატურაზე დაყრდნობით ავრცელებს.
უკრაინული მედიის ცნობით, ხარკოვის ტერიტორიაზე სამი აფეთქება დაფიქსირდა.
ბოლო 24 საათის განმავლობაში დაიბომბა ხარკოვის ოლქის კუპიანსკის რაიონიც. თავდასხმის შედეგად დაიღუპა ერთი ადამიანი, ხოლო ორი დაშავდა.