ირაკლი ქადაგიშვილი სუს-ის განცხადებაზე: “კოლექტიური ნაცმოძრაობა” ცდილობს, რომ ის მწარე რეალობა, რომელიც მათი მმართველობის დროს იყო, ახლა მათთვის ნაცნობის ხერხით შეასაღოს ქართულ საზოგადოებას
“კოლექტიური ნაცმოძრაობა“ ცდილობს, რომ ის მწარე რეალობა, რომელიც მათი მმართველობის დროს იყო, ახლა მათთვის ნაცნობის ხერხით შეასაღოს ქართულ საზოგადოებას”,– განაცხადა საპროცედურო საკითხთა და წესების საპარლამენტო კომიტეტის თავმჯდომარემ ირაკლი ქადაგიშვილმა სუს-ის განცხადების შეფასებისას, რომელშიც აღნიშნულია, რომ მიღებული ინფორმაციით, პოლიტიკურ წრეებთან დაკავშირებული ჯგუფები, საქართველოში მოახლოებული საპარლამენტო არჩევნების წინა დღეებში, გეგმავენ ხელოვნური ინტელექტის და სხვა თანამედროვე ტექნოლოგიების მეშვეობით დამონტაჟებული, ფალსიფიცირებული ვიდეო და აუდიო ჩანაწერების გავრცელებას.
„ეს შეიძლება იყოს მიმართული ეკლესიის წინააღმდეგ, საზოგადოებაში ცნობილი და ავტორიტეტული ადამიანების წინააღმდეგ. ასევე შეიძლება გულისხმობდეს სახელმწიფო ინსტიტუტების დისკრედიტაციას“, – აღნიშნა ქადაგიშვილმა.