აზერბაიჯანის რესპუბლიკაში ვიზიტად მყოფი განათლების, მეცნიერებისა და ახალგაზრდულ საქმეთა კომიტეტის თავმჯდომარე გივი მიქანაძე მილი მეჯლისის თავმჯდომარე საჰიბა გაფაროვას შეხვდა.
ორმხრივ შეხვედრაზე საქართველო-აზერბაიჯანის პარლამენტების დაახლოებისა და თანამშრომლობის გაღრმავების გზებზე ისაუბრეს. განიხილეს დარგობრივი კომიტეტების ერთობლივი საქმიანობის საკითხები.
გივი მიქანაძემ, როგორც ევროპის საბჭოს საპარლამენტო ასამბლეის მუდმივმოქმედი დელეგაციის წევრმა, ყურადღება გაამახვილა ასამბლეაში საქართველოს და აზერბაიჯანის თანამშრომლობის საკითხებზე.
შეხვედრას ესწრებოდა საქართველოს საგანგებო და სრულუფლებიანი ელჩი აზერბაიჯანის რესპუბლიკაში ზურაბ პატარაძე.