logo_geo
eng_logo
სალომე ზურაბიშვილი: საქართველომ იცის, რა ფასს იხდის უკრაინა თავისუფლებისა და დამოუკიდებლობისთვის, რამეთუ ეს ფასი გადაიხადა - საქართველოს არ აქვს პოტენციალი, ჩაერთოს ამ ომში და ეს არც იქნებოდა სწორი
- +

5 დეკემბერი. 2022. 21:57

 

ყველამ ვიცით, საქართველოს არ აქვს პოტენციალი, რომ ჩაერთოს ამ ომში და ეს არც იქნებოდა სწორი, - ამის შესახებ საქართველოს პრეზიდენტმა სალომე ზურაბიშვილმა პოლონეთის პრეზიდენტთან ანდჟეი დუდასთან შეხვედრის შემდეგ გამართულ ერთობლივ ბრიფინგზე განაცხადა.

მისის თქმით, საქართველო უკრაინის მიმართ სოლიდარულია და არც შეიძლება, რომ საქართველომ მხარი არ დაუჭიროს უკრაინას შესაძლებლობების ფარგლებში.

საქართველო არის სოლიდარული უკრაინის მიმართ. საქართველომ იცის, რა ფასს იხდის დღეს უკრაინა თავისუფლებისა და დამოუკიდებლობისთვის, რამეთუ საქართველომ ეს ფასი გადაიხადა, იცის, რომ ჩვენი მომავალი ერთია. მთელი ქვეყნის პოზიციაა, რომ საქართველო სოლიდარული უნდა იყოს უკრაინის, არ შეიძლება, რომ საქართველომ მხარი არ დაუჭიროს თავის შესაძლებლობის ფარგლებში. ყველამ ვიცით, საქართველოს არ აქვს პოტენციალი, რომ ჩაერთოს ამ ომში და ეს არც იქნებოდა სწორი.

მინდა ყველა მოგიწვიოთ და ნახოთ საქართველოს და თბილისის ქუჩებში როგორ გამოიხატება საქართველოს სოლიდარობა",- განაცხადა პრეზიდენტმა.

right_banner right_banner
არქივი
right_banner