logo_geo
eng_logo
მანჩო გიორგობიანი: პრეტენზიულების საყურადღებოდ, ვინც შარზეა და ლევან ვასაძის დაკნინებას ცდილობენ...
- +

20 მარტი. 2020. 14:39

 

 

 

სამოქალაქო აქტივისტი მანჩო გიორგობიანი კორონავირუსთან საბრძოლველად ბიზნესმენ ლევან ვასაძის ქველმოქმედებაზე მავანთა კრიტიკას სოციალურ ქსელში ეხმიანება.

 

 

„პრეტენზიულების საყურადღებოდ, ვინც შარზეა და ლევან ვასაძის დაკნინებას ცდილობენ... არ უნდა გვჭირდებოდეს ახსნა-განმარტება, რომ „ნაჩუქარ ცხენს კბილებს არ უსინჯავენ“, ხოლო სხვის საფულეში ყურება და გაჩუქებული ფულის თვლა, ცოტაა თუ ბევრია, სულ ცოტა, უხერხულია... მითუმეტეს, როდესაც შენ თვითონ არ ხარ ქველმოქმედი და არ ინახავ ასობით, არ ეხმარები ათასობით ოჯახს... უახლოეს პერიოდში, არ დავიზარებ და უფრო დავაკონკრეტებ, როდის რა გაუკეთა თავის ხალხს და ქვეყანას ჩემმა ბავშვობის ძმაკაცმა, რომელიც როგორი ადამიანიც იყო, ზუსტად ისეთი დარჩა და სიმდიდრემ არ შეცვალა...

 

ლევან, გმადლობ!

 

ლევან ვასაძემ წინა დღეებში 50 000 ლარი გადარიცხა ინფიცირებულთა დასახმარებლად, გუშინ ისევ გადარიცხა 10 000 ლარი და ჯანდაცვას შესთავაზა, რომ თავის ორ შენობას დაუთმობს კარანტინისთვის, თითო შენობაში 100 ადამიანის მოთავსებაა შესაძლებელი.

 

მან საკუთარ თავზე აიღო თავისი შენობების კარანტინად გადაკეთების ხარჯები, კომუნალური გაზის, დენის გადასახადები და კარანტინში მყოფი ადამიანების საკვებით მომარაგება.

 

ასევე მისი კომპანია „ბაგრატიონი“ ამ ფონდში ჩარიცხავს მოგების 10%-ს, სანამ კორონავირუსი გაგრძელდება საქართველოში“, - წერს მანჩო გიორგობიანი.

 

 

right_banner right_banner
არქივი
right_banner