logo_geo
eng_logo
თენგიზ ცერცვაძე: მინდა იცოდეს საქართველოს მოსახლეობამ, რომ ისინი, როგორც არც ერთი მსოფლიოს სახელმწიფო, ისე არიან დაცული ამ ინფექციისგან
- +

7 აპრილი. 2020. 19:23

 

 

 

“მინდა იცოდეს საქართველოს მოსახლეობამ, რომ ისინი, როგორც არც ერთი ევროპის სახელმწიფო და შესაძლოა, არც ერთი მსოფლიოს სახელმწიფო, ისე არიან დაცული ამ ინფექციისგან, – ამის შესახებ ინფექციური პათოლოგიის, შიდსისა და კლინიკური იმუნოლოგიის სამეცნიერო პრაქტიკული ცენტრის დირექტორმა თენგიზ ცერცვაძემ განაცხადა.

 

 

როგორც თენგიზ ცერცვაძემ აღნიშნა, საქართველოს მოსახლეობამ უნდა შეასრულოს ყველა მითითება, რასაც საგანგებო მდგომარეობა გულისხმობს, ეს ყველაფერი უნდა შესრულდეს ულაპარაკოდ.

 

 

„ყველას გყავთ მეგობრები აშშ-ში, ინგლისში, იტალიაში, ჰკითხეთ რა ხდება იქ. ჩემი კოლეგები პროფესორები და ჩემი ქართველი თანამოქალაქეები მათ შორის მეგობრები და ნათესავები, ისეთ რამეებს ყვებიან, აქ რომ ხდებოდეს, ჯერ არ დაიჯერებთ და ამას არ ეყოფა ბრიფინგები. პაციენტები ხდებიან ავად და ერთადეთი რჩევა რასაც აძლევენ არის, დარჩით სახლში, ვიდრე ძალიან ავად არ გახდებით, ვიდრე სუნთქვის უკმარისობა არ განგივითარდებათ. მათ არ აქვთ რესურსი ექიმებისა და საწოლების, რომ ასეთ ავადმყოფი ნახოს ექიმმა, მხოლოდ ტელეფონით ესაუბრება. რა რაოდენობა არის იქ ინფიცირებულების, რა რაოდენობაა გარდაცვალებების და რა რაოდენობაა ჩვენთან. მინდა ვუთხრა მოსახლეობას და დავარწმუნო, რომ შესაძლოა, ქვეყანას რაღაცაში უჭირს კი არა, ბევრ რამეში უჭირს, შეიძლება ჩვენი ეკონომიკა განვითარებადი ეკონომიკაა, ჩვენი სახელმწიფო ვერ ცხოვრობს ისე, როგოც ქართველ კაცს ეკადრება და როგორც ღირსეულ სახელმწიფოს ეკადრება, ჩვენი ეკონომიკა ვითარდება, მაგრამ ჯერ ვერ მიაღწია განვითარების იმ საფეხურს, რაც არის ევროპის წამყვან ქვეყნებში, მაგრამ მათთვის მთავრობა აკეთებს ყველაფერს, რაც გამოჩნდა ამ კრიზისულ სიტუაციაში. მთავრობის სახე და ზრუნვა სახელმწიფო ჩნდება ხოლმე კრიზისულ სიტუაციაში, ხოლო კრიზისებს შორის პერიოდში უფრო ძნელი შესამჩნევია, ვინ მუშაობს კარგად და ვინ ნაკლებად კარგად. მინდა დავარწმუნო საქართველოს მოსახლეობა, რომ მათ უნდა შეასრულონ ყველა მითითება, რასაც საგანგებო მდგომარეობა გულისხმობს, ეს ყველაფერი უნდა შესრულდეს ულაპარაკოდ, მაგრამ მინდა იცოდეს საქართველოს მოსახლეობამ, რომ ისინი, როგორც არც ერთი ევროპის სახელმწიფო და შესაძლოა, მსოფლიოს არც ერთი სახელმწიფოს მოსახლეობა არ არ დაცული, ასე დაცულია დღეს საქართველოს მოსახლეობა ამ ინფექციისგან. იმ შემთხვევაში, თუ მაინც გახდება ვიღაც ავად და ეს გარდაუვალია, მაშინ უკვე ჩვენ ექიმები ვკისრულობთ პასუხისმგებლობას, რომ მათ სიცოცხლე იყოს დაცული. პირველ შემთხვევაში მთავრობა კისრულობს, რომ მათ ჯანმრთელობა იყოს, რომ ისინი ავად არ გახდნენ, თუ მაინც გახდებიან, ჩვენ ექიმები ვკისრულობთ, რომ მათი სიცოცხლე იყოს დაცული, გარანტირებული და ლეტალობის შედეგები არ გასცდეს ერთეულს“, – განაცხადა თენგიზ ცერცვაძემ.

 

 

მისივე თქმით, ქვეყანაში სამივე გარდაცვლილი იყო 79 წლის ასაკის ზემოთ, არც ერთი 79-ზე ნაკლები ასაკის ადამიანი არ გარდაცვლილა.

 

 

„აშშ-ში გარდაცვალების 20% მოდის ახალგაზრდებზე, იტალიაში, საფრანგეთში გარდაიცვალნენ ახალგაზრდები და დიდი ბრიტანეთის პრემიერ-მინისტრი დაავადდა კორონავირუსით, დამძიმდა მისი მდგომარეობა და რეანიმაციაშია გადაყვანილი, გარდაიცვალა ესპანეთის პრენცესა მარია. ბევრი ცნობილი პირი, მათ შორის სასულიერო პირები სამოქალქო პირები, სამეფო ოჯახის წევრები და სხვები“, – განაცხადა თენგიზ ცერცვაძემ.

 

 

 

 

 

right_banner right_banner
არქივი
right_banner