WhoScored-მა სერია A-ს თებერვლის სიმბოლური გუნდი შეადგინა, რომელშიც ქვეყნის ჩემპიონ ნაპოლიდან მხოლოდ ერთი ფეხბურთელი მოხვდა – ხვიჩა კვარაცხელია.
მეტიც, სიმბოლურ ნაკრებში ხვიჩას ყველაზე მაღალი საშუალო შეფასება აქვს – 8.21, თებერვალში ყველაზე ახლოს მასთან პაულო დიბალა (რომა) იყო – 8.12. დანარჩენ რჩეულებს საშუალო შეფასება 8 ქულაზე ნაკლები აქვთ. სიმბოლურ ნაკრებში ინტერის ფეხბურთელები ჭარბობენ – 5 კაცი (პავარი, ბასტონი, დიმარკო, ჩალჰანოღლუ და ლაუტარო). რომას დიბალას გარდა პარედესი წარადგენს, ხოლო მონცას (დი გრეგორიო), ატალანტას (პაშალიჩი) და ტორინოს (ბელანოვა) ნაპოლის მსგავსად თითო წარმომადგენელი ჰყავთ.
ბუნებრივია, დიდი გავლენა იქონია სასუოლოსთან მატჩმა, რომელშიც ქართველმა ფეხბურთელმა დუბლი შეასრულა და 1 საგოლე პასი გააკეთა. WhoScored-მა მისი თამაში 10 ქულით შეაფასა. თებერვალში ხვიჩამ სერია A-ში 5 მატჩში 3 გოლი და 1 საგოლე პასი მიითვალა.
🇬🇪 Khvicha Kvaratskhelia vs Sassuolo:
2 goals
9 shots
3 shots on target
1 assist
5 key passes
1 big chance created
14 touches in opposition box
4 ball recoveries
2 ground duels won
10.0 WS ratingKvara drops the first perfect 10 performance in Serie A this season. 😮💨 pic.twitter.com/8RYerTs0Sh
— WhoScored.com (@WhoScored) February 28, 2024
მარტში ნაპოლი იტალიის ჩემპიონატში 4 მატჩს ითამაშებს: შინ იუვენტუსთან (3 მარტი), შინ ტორინოსთან (8), სტუმრად ინტერთან (17) და შინ ატალანტასთან (30). ასევე, ერთი მატჩი ელის გუნდს ჩემპიონთა ლიგაზე ბარსელონასთან სტუმრად (12)