logo_geo
eng_logo
ირაკლი ღარიბაშვილი: ერთიანი ძალისხმევით შევძლებთ, დავძლიოთ ყველა პრობლემა, რომელიც ჩვენს მოსახლეობას აწუხებს
- +

16 იანვარი. 2021. 17:50

 

„ერთიანი ძალისხმევით და განახლებული ენერგიით შევძლებთ, დავძლიოთ ყველა პრობლემა, რომელიც ჩვენს მოსახლეობას აწუხებს“, – ამის შესახებ თავდაცვის მინისტრმა, ირაკლი ღარიბაშვილმა ჟურნალისტებს განუცხადა.

 

ამასთან, მან ირაკლი კობახიძეს პარტიის თავმჯდომარის პოსტზე დანიშვნა მიულოცა.

 

„მინდა, მივულოცო ირაკლი კობახიძეს ამ მეტად საპასუხისმგებლო თანამდებობაზე დანიშვნა. მოგეხსენებათ, დღეს ჩატარდა რიგით მეექვსე ყრილობა და ჩვენ ერთხმად, ერთსულოვნად ავირჩიეთ ბატონი ირაკლი ამ თანამდებობაზე. „ქართული ოცნება“, როგორც ერთიანი გუნდი, სრულად იღებს პასუხისმგებლობას ქვეყანაში მიმდინარე პოლიტიკურ ვითარებაზე. ჩვენ ერთიანი ძალისხმევით, განახლებული ენერგიით, განახლებული გუნდით შევძლებთ, ჩვენი ქვეყანა გავიყვანოთ ამ გამოწვევებიდან და რაც მთავარია, დავძლიოთ ყველა ის პრობლემა, რომელიც ჩვენს მოსახლეობას აწუხებს“, – განაცხადა ირაკლი ღარიბაშვილმა.

 

 

 

right_banner right_banner
არქივი
right_banner