logo_geo
eng_logo
ვადაგასულობის ხიბლი
- +

24 აგვისტო. 2018. 20:56

 

 

ერთადერთი ოფიციალური პირი, რომელიც საკონსტიტუციო სასამართლოს გადაწყვეტილებას, მარიხუანის მოწევა მოქალაქის უფლებააო, მიესალმა ეს ჩვენი თითქმის ვადაგასული პრეზიდენტია.

 

მოქალაქეებმა, თავდაპირველად, იფიქრეს, რომ ზედმეტმა გამოჰუმანურებამ სძლიაო, მაგრამ, თურმე, საქმე მთლად ასე ამაღლებულადაც არ ყოფილა.

 

გავრცელებული ინფორმაციით, აშშ-ში ოფიციალურ ვიზიტად მყოფი ეს ჩვენი პრეზიდენტი ადგილობრივ სამართალდამცველებს განა თამბაქოს, არც მეტი, არც ნაკლები, მარიხუანის მოწევის გამო დაუჯარიმებიათ.

 

ჰოდა, თუ ეს ინფორმაცია სიმართლეს შეესაბამება (რა ვითომ რატომ არ უნდა შეესაბამებოდეს?!), სავსებით ცხადი ხდება მისალმების მოტივი (ანუ არც ისე ამაღლებული და ფრიად პირადულიც: წყალობს დაბოლებას).

 

თუ გავიხსენებთ, რომ ამასობაში სახალხო დამცველმა მიმართა ხელისუფლებას, დააკანონოს ერთნაირსქესიანთა ქორწინება – პარტნიორობის სახელით, არც ისე ურიგოა, რომ პრეზიდენტის მაგალითზე უკვე ვიცით, მისალმება ლაკმუსის ქაღალდის როლს შეასრულებს (იმიტომ რომ ამ ჩვენს პოლიტიკაში ყველას თავისი გასაჭირი ეწვის).

 

ნინო ხაჩიძე

 

წყარო : wyaro
right_banner right_banner
არქივი
right_banner
×