რუსეთის შინაგან საქმეთა სამინისტრომ ვოლოდიმირ ზელენსკიზე ძებნა გამოაცხადა.
როგორც უკრაინული მედია წერს, რუსეთის შინაგან საქმეთა სამინისტროს ბაზაში აღნიშნულია, რომ უკრაინის პრეზიდენტზე ძებნა სისხლის სამართლის კოდექსის მუხლით გამოცხადდა, თუმცა, კონკრეტულად რომელი მუხლით, აღნიშნული არ არის.
რუსეთის შინაგან საქმეთა სამინისტროს ძებნილთა ბაზაში ასევე შეყვანილია უკრაინის ყოფილი პრეზიდენტი პეტრო პოროშენკოც.
რუსეთს არაერთ ყოფილ და მოქმედ უკრაინელ მაღალჩინოსანზე აქვს ძებნა გამოცხადებული. მათ შორის უკრაინის სამხედრო დაზვერვის სამმართველოს უფროსზე, კირილ ბუდანოვზე, უკრაინის ფინანსთა ყოფილ მინისტრ ალექსანდრე შალაპაკზე და უკრაინის თავდაცვისა და უსაფრთხოების საბჭოს მდივანზე, ალექსანდრ ლიტვინენკოზე.