საქართველოს პარლამენტის გამოკლებული წევრის, გიორგი ცაგარეიშვილის ადგილმონაცვლის, არჩილ გორდულაძის პარლამენტის წევრის უფლებამოსილების ცნობის დადგენილების პროექტს პარლამენტმა 77 ხმით დაუჭირა მხარი.
როგორც საპროცედურო საკითხთა და წესების კომიტეტის თავმჯდომარემ ირაკლი ქადაგიშვილმა განაცხადა, არჩილ გორდულაძესთან დაკავშირებით ცესკო-დან ყველა შესაბამისი დოკუმენტაცია მიიღეს და კომიტეტის დასკვნა არის დადებითი.
გიორგი ცაგარეიშვილი, რომელიც საქართველოს დევნილთა, შრომის, ჯანმრთელობისა და სოციალური დაცვის მინისტრის მოადგილედ დაინიშნა, პარლამენტის წევრის უფლებამოსილება 26 ივნისის პლენარულ სხდომაზე შეუწყდა.
