ზურაბ ქადაგიძე: ევროპულმა სასამართლომ განხილვაშიც არ მიიღო საქმე და ზოგიერთი ევროდეპუტატი პოლიტიკურ დევნილად გვასაღებდა გვარამიას
„რა პარადოქსია არა, ევროპულმა სასამართლომ განხილვაშიც კი არ მიიღო საქმე და ზოგიერთი ევროდეპუტატი პოლიტიკურ დევნილად გვასაღებდა გვარამიას?! კლასიკური მაგალითი იმისა თუ რა განსხვავებაა ჭეშმარიტ ევროპულ მართლმსაჯულებასა და ფსევდოდასავლურ კონიუნქტურას შორის“, – ასე ეხმიანება „ხალხის ძალის“ წევრი, ზურაბ ქადაგიძე ნიკა გვარამიას მიერ გავრცელებულ ინფორმაციას, რომლის თანახმად, სტრასბურგის სასამართლომ მისი საქმე წარმოებაში არ მიიღო.
ქადაგიძის თქმით, სასაცილოა გვარამიას განცხადებაში მუქარანარევი გზავნილი ხელისუფლების და სასამართლო სისტემის ცვლილებასთან დაკავშირებით.
„რა პარადოქსია არა, ევროპულმა სასამართლომ განხილვაშიც კი არ მიიღო საქმე და ზოგიერთი ევროდეპუტატი პოლიტიკურ დევნილად გვასაღებდა გვარამიას?!
კლასიკური მაგალითი იმისა თუ რა განსხვავებაა ჭეშმარიტ ევროპულ მართლმსაჯულებასა და ფსევდო-დასავლურ კონიუნქტურას შორის.
კელი დეგნანმა შეაწყალებინა გვარამია ზურაბიშვილს, ამერიკის სახელმწიფო დეპარტამენტმა ქართველი მოსამართლეები დაასანქცირა და კუბილიუს-ფოტიგას ევროდეპუტაცია ქართულ მართლმსაჯულებას გვიწუნებს მაშინ, როდესაც პოლიტიკას შეფარებულ ქართველ პარაზიტთა სასამართლო წარმოების მიმართ, 99%-იანი ალბათობით არ აქვს პრეტენზია ევროპულ სასამართლოს.
იმიტომ, რომ რა მასშტაბის და ძლიერებისაც არ უნდა იყოს გლობალური ომის პარტია, ხელი ყველგან ვერ მიუწვდება.
ესაა ქართველი ხალხის არჩევანიც – ჭეშმარიტი ევროპული ღირებულებები და არა, ცალ ფეხზე მდგარი ფსევდოდემოკრატია!
P.S.
ისე, ამ საცოდავის განცხადებაში ყველაზე სასაცილო, მუქარანარევი გზავნილია – არა უშავს, ხელისუფლება შეიცვლება და ევროპულ სასამართლოსაც განვანათლებთო.
შენი შეცვლილი ხელისუფლება არ გაიშვას, შე მხდალო „ჰიპსტერო!“ – წერს ზურაბ ქადაგიძე სოციალურ ქსელში.