ლევან ნიკოლეიშვილი: სტრასბურგის სასამართლოსგან უარყოფილმა გვარამიამ საკუთარ ლეკვებს რესპუბლიკის მოედანზე პრემიერის გამოსვლის დროს ფეხბურთელების დაჯილდოება „გააპროტესტებინა“
ექსპერტი ლევან ნიკოლეიშვილი რესპუბლიკის მოედანზე საქართველოს ნაკრების გამარჯვების შემდეგ პრემიერის სიტყვით გამოსვლისას რამდენიმე პირის „პროტესტს“ გამოეხმაურა.
ნიკოლეიშვილის თქმით, ნიკა გვარამიამ რამდენიმე ათეულ სექტანტს გმირი ფეხბურთელების დაჯილდოება „გააპროტესტებინა“.
„მაშინ, როდესაც მთელი ერი ერთიანი იყო, როდესაც ყველა ბედნიერებისგან ანათებდა, სტრასბურგის სასამართლოსგან უარყოფილმა გვარამიამ საკუთარ ლეკვებს დააორგანიზებინა უმსგავსობა – მირეკა ეს ხროვა რესპუბლიკის მოედანზე და პრემიერის გამოსვლის დროს რამდენიმე ათეულ სექტანტს გმირი ფეხბურთელების დაჯილდოება „გააპროტესტებინა“. ეს სამარცხვინო ქათამი ეს“, – წერს ნიკოლეიშვილი Facebook-ზე.