ანრი ოხანაშვილი: ეს რეალურად წარმოადგენდა არა სალომე ზურაბიშვილის, არამედ „ნაციონალური მოძრაობისა“ და რადიკალური ოპოზიციის ვეტოს
„მოვითხოვეთ, აეხსნათ, ევროკავშირის წევრ რომელ ქვეყანაშია იმის დაშვება შესაძლებელი, რომ ოპოზიციას შეუძლია საარჩევნო პროცესის ადმინისტრირება – პასუხი ამაზე არ არსებობს”, – ამის შესახებ საქართველოს პარლამენტის იურიდიულ საკითხთა კომიტეტის თავმჯდომარემ, ანრი ოხანაშვილმა ჟურნალისტებთან პრეზიდენტის ვეტოზე საუბრისას განაცხადა.
„მოტივირებული შენიშვნების ნაცვლად, ყველა სხვა პოზიცია მოვისმინეთ. ეს რეალურად წარმოადგენდა არა სალომე ზურაბიშვილის ვეტოს, არამედ ეს იყო „ნაციონალური მოძრაობისა“ და რადიკალური ოპოზიციის ვეტო. ეს ინსტრუმენტი გამოიყენეს იმისთვის, რომ მაქსიმალურად მოხდეს არჩევნების დისკრედიტაცია“, – აღნიშნა ოხანაშვილმა.
დღეს პარლამენტში პრეზიდენტის მიერ საარჩევნო კოდექსში შესატან ცვლილებებზე დადებულ ვეტოს დაძლევენ.