ეროვნული უსაფრთხოების საკითხებში აშშ-ის პრეზიდენტის მრჩეველის, ჯეიკ სალივანის განცხადებით, ის დარწმუნებულია, რომ აშშ-ის კონგრესი დაამტკიცებს დამატებით დახმარებას უკრაინისათვის.
“ჩვენ გვჯერა თქვენი. ჩვენ გვჯერა, რომ თქვენ გაიმარჯვებთ. ჩვენ გვჯერა, რომ თქვენ ააშენებთ ნათელ მომავალს უკრაინელი ხალხისთვის, უფრო ძლიერ დემოკრატიას, მდგრად და უსაფრთხო ქვეყანას, რომელსაც შეუძლია თავიდან აიცილოს მომავალი აგრესია და ჩვენ ვიქნებით თქვენი პარტნიორი ყოველ ნაბიჯზე.
ჩვენი გადმოსახედიდან, დარწმუნებულნი ვართ, რომ შევძლებთ ამ დამტკიცების მიღწევას. ჩვენ ამ დახმარებას უკრაინას მივაწოდებთ”, – განაცხადა სალივანმა კიევში უკრაინის პრეზიდენტის აპარატის ხელმძღვანელთან, ანდრეი ერმაკთან გამართულ ერთობლივ ბრიფინგზე.