logo_geo
eng_logo
ვალერიან გორგილაძე: IRI-ის და NDI-ის კვლევითი მეტამორფოზები სოციოლოგიური ანეკდოტების ჟანრში უნდა განვიხილოთ
- +

15 ივლისი. 2019. 18:39

 

 

IRI-ის ბოლო კვლევას, რომელიც სამაუწყებლო კომპანია „რუსთავი 2“-მა გაავრცელა, სოციოლოგი ვალერიან გორგილაძე ეხმაურება.

 

როგორც სოციოლოგი აცხადებს, ის დიდი ხანია აღარ ენდობა IRI-ის  და NDI-ის  კვლევებს და მათ სოციოლოგიური ანეკდოტების ჟანრში განიხილავს.

„ჯერ უცნაურია, რომ „რუსთავი 2“-მა მოიპოვა და სხვამ ვერავინ ეს კვლევა. დიდი წარმოდგენის არასოდეს ვყოფილვარ IRI-ის  და NDI-ის კვლევებთან დაკავშირებით, მაგრამ ის, რაც მოხდა, რომ „რუსთავი 2“-თან აღმოჩნდა ინფორმაცია და IRI არც ადასტურებს და არც უარყოფს ამ ფაქტს, ალბათ იმაზე მეტყველებს, რომ როგორც ჩანს, რეიტინგებს ხატავენ „რუსთავი 2“- ის ოფისში და შემდეგ აწვდიან IRI-ის  ოფისს.

 

როგორც სოციოლოგისთვის, IRI  და NDI და მათი კვლევითი მეტამორფოზები დიდი ხანია სოციოლოგიური ანეკდოტების ჟანრში უნდა განვიხილოთ. ბაქრაძე ყველა დონის არჩევნების საიმედო აუტსაიდერია, როგორც ჩანს, განლაგებულია, დამარცხების ინტენსივობის მიხედვით.

 

მაშინ ამ ლოგიკით, ბაქრაძე უნდა ყოფილიყო პირველი ან ნათელაშვილი უნდა ყოფილიყო პირველი, გრიგოლ ვაშაძეც გამოირჩევა იმით, რომ უკვე სტაბილურად აგებს არჩევნებს. სხვა კრიტიკას ვერ უძლებს. სასაცილო კი არა, სატირალია და მართლა არ მესმის, რატომ ახდენს თავისი ბრენდის დისკრედიტაციას IRI, რომელიც მნიშვნელოვან დახმარებას უწევს პოლიტიკურ პარტიებს კონსულტაციების, ტრენინგების ველზე და ასეთ უმწეო კვლევებს სთავაზობს თავისი ბრენდის სახელით საზოგადოებას“, - აცხადებს ვალერიან გორგილაძე.

 

ამერიკის რესპუბლიკური ინსტიტუტის (IRI)კვლევის შედეგების მიხედვით, რომელსაც „რუსთავი 2“ ავრცელებს, პოლიტიკოსების პერსონალური რეიტინგი ასე გამოიყურება:

 

დავით ბაქრაძეს 59% აქვს, კახა კალაძეს 49%, გრიგოლ ვაშაძეს 48%, დავით უსუფაშვილს 41%, შალვა ნათელაშვილს 41%, ალეკო ელისაშვილს 40%, გიორგი გახარიას 40%, მამუკა ბახტაძეს 38%, სალომე ზურაბიშვილს 36 %, გიორგი ვაშაძეს 35%. ამ ათეულში ვერ მოხვდა ბიძინა ივანიშვილი, მას 35% აქვს.  

 

 

right_banner right_banner
არქივი
right_banner