logo_geo
eng_logo
არჩილ თალაკვაძე: ჩვენი არჩევანი ოსებთან და აფხაზებთან საერთო ენის გამონახვაა
- +

11 სექტემბერი. 2019. 10:22

 

„საქართველოს ისტორიის წაკითხვა შეუძლიათ, მაგრამ გადაწერა და შეცვლა – არა“, – ასეთი კომენტარი გააკეთა საქართველოს პარლამენტის თავმჯდომარე არჩილ თალაკვაძემ რუსეთის დუმაში სამუშაო ჯგუფის შექმნაზე, რომელმაც „სამხრეთ ოსეთის ხალხის საქართველოს მიერ გენოციდი უნდა შეისწავლოს“.

 

როგორც თალაკვაძემ აღნიშნა, „ჩვენი არჩევანი არის არა ახალი კონფლიქტური თემების ძიება ან ძველი ჭრილობების გახსნა, არამედ ოსებთან და აფხაზებთან საერთო ენის გამონახვა“.

 

„ეს არ არის პირველი შემთხვევა, როდესაც რუსეთის პოლიტიკურ წრეებში საუბრობენ ჩვენი ქვეყნის ისტორიის გადახედვაზე. საქართველოს ისტორიის წაკითხვა შეუძლიათ, მაგრამ გადაწერა და შეცვლა არა. ისტორიული თემების პოლიტიკური კონიუნქტურის ნიშნით გამოყენებას მივიჩნევთ ძალიან სარისკო საქმედ, განსაკუთრებით ისეთ რეგიონში, როგორიც კავკასიაა. ჩვენი არჩევანი არის არა ახალი კონფლიქტური თემების ძიება ან ძველი ჭრილობების გახსნა, არამედ ოსებთან და აფხაზებთან საერთო ენის გამონახვა, ხოლო მეზობლებთან – პრობლემების მოგვარება. სხვაგვარი მოკლე პოლიტიკური ხედვა უპერსპექტივოდ და სახიფათოდ მიგვაჩნია“, - განცხადა საქართველოს პარლამენტის თავმჯდომარემ.

 

 

 

 

right_banner right_banner
არქივი
right_banner