logo_geo
eng_logo
ლევან გოფოძე: გარდაცვლილ მეცამეტე პაციენტს კორონავისრუსთან ერთად მძიმე თანმხლები დაავადებები ჰქონდა
- +

3 ივნისი. 2020. 12:23

 

 

“გარდაცვლილ მეცამეტე პაციენტს კორონავისრუსთან ერთად მძიმე თანმხლები დაავადებები ჰქონდა, - ამის შესახებ რესპუბლიკური საავადმყოფოს დირექტორმა, ლევან გოფოძემ ჟურნალისტებს განუცხადა.

 

 

„ეს პაციენტი ჩვენთან მოყვანილი იქნა მაისის დასაწყისში, გადმოყვანილი იქნა მარნეულიდან. პაციენტის მდგომარეობა იყო უკიდურესად მძიმე. ყოველ დღე, როდესაც კომენტარებს ვაკეთებდით, ვამბობდით, რომ გვყავს ერთი კრიტიკული პაციენტი, რომელიც რეანიმაციულ განყოფილებაში იმყოფება. ამ პაციენტს გარდა იმისა, რომ კოვიდინფექცია ჰონდა დადასტურებული, ჰქონდა ბევრი თანმხლები დაავადება, ჰქონდა ბევრი გართულება კოვიდინფექციასთან ასოცირებული. მძიმე დისტრეს სინდრომით და სეპტიური შოკით შემოვიდა კლინიკაში. ჩვენთან შემდეგ დაუდგინდა ფილტვის არტერიების ემბოლიის დიაგნოზი, ამასთან იყო გულის მწავევე უკმარისობა, თირკმელების უკმარისობა, ინსულტი განვითარებული.

 

 

ერთი პერიოდი მიღწეული იქნა შედარებით სტაბილიზაცია, დისტრესის დაძლევის თვალსაზრისით, თუმცა შემდეგ კვლავ დამძიმდა პაციენტის მდგომაროება და გუშინ საღამოს გაჩერდა გული. მიუხედავად რეანიმაციული ღონისძიებებისა, ვერ მოხდა მისი გადარჩენა“, - განაცხადა ლევან გოფოძემ.

 

 

მისივე თქმით, ბოლოს რეტესტირების შემდგომ აღმოჩნდა, რომ ნეგატიურია PCR ტესტით, თუმცა ეს ბევრს არაფერს ნიშნავს იმ თვალსაზრისით, რომ მთელი ეს სიმძიმე მისი მდგომარეობის მაინც განაპირობა კოვიდინფექციამ, რომელიც იყო წამყვანი, ჩამრთველი მექანიზმი, ყველა მისი თანხმლები დაავადების დამძიმების.

 

 

„უნდა აღინიშნოს, რომ ასეთი პაციენტი მაინც კოვიდით გარდაცვალებული პაციენტების რიგს განეკუთვნება. ამიტომ სწორედ აღირიცხა როგორც კოვიდგარდაცვალებული“, - განაცხადა რესპუბლიკური საავადმყოფოს დირექტორმა.

 

 

right_banner right_banner
არქივი
right_banner