logo_geo
eng_logo
გიგი უგულავა: ალასანიას დედა, მზია ცოცხალი რომ იყოს, სააკაშვილი ალბათ ცხრუკვეთში დააყენებდა კანდიდატად
- +

22 სექტემბერი. 2020. 23:56

 

 

"ევროპული საქართველოს" ერთ-ერთმა ლიდერმა გიგი უგულავამ "პალიტრანიუსის" გადაცემაში "ნიუსრუმი" ისაუბრა, ზუგდიდში დასახელებულ კანდიდატებზე, მათ შორის, საკუთარ და "ნაციონალური მოძრაობის" სავარაუდო კანდიდატზე.

 

"გიული ალასანიას დედა, ქალბატონი მზია ცოცხალი რომ იყოს, ალბათ, ცხრუკვეთში დააყენებდა სააკაშვილი კანდიდატად. მე გიული დეიდა ძალიან მიყვარს, თუ ამ "შარში" გაეხვევა, ეს მისი არჩევანი იქნება, ეს მეტყველებს მასზე როგორც საუკეთესო დედაზე, რომელიც შვილის კაპრიზებს ასრულებს, მაგრამ არამგონია რომ ეს მიშაზე კარგად მეტყველებდეს. ნუ გავუსწრებთ მოვლენებს, ქალბატონ გიულიზე ცუდს ვერაფერს ვერ ვიტყვი, მათ შორის, რომც დადგეს კანდიდატად იმიტომ, რომ ის არის თავდადებული დედა. თუ დადგება ქალბატონი გიული, ყველას გვესმის, რომ ის არის სიმბოლური კანდიდატი და მე ვარ რეალური ბრძოლისთვის მზად“, - განაცხადა გიგი უგულავამ.

 

მანვე ისაუბრა მიხეილ სააკაშვილთან ბოლო შეხვედრაზე:

 

"პირველად ვსაუბრობ ახლა ამაზე და აბსოლუტურად გულწრფელად ვამბობ, ბოლოს სააკაშვილთან საუბარი მქონდა 2014 წელს, გაზაფხულზე, საფრანგეთში იყო უკვე წასული, ვსადილობდით და ვსაუბრობდით მის როლზე და ასეთ ფრაზას მეუბნება, თქვენ თუ დაამარცხეთ ივანიშვილი, მე რა ამით? ამით დასრულდა ჩვენი საუბარი და ამის მერე საქმეზე სააკაშვილთან არ მილაპარაკია. გავიდა ამის მერე წლები, მცდელობაც მქონდა რომ სააკაშვილთან ადამიანური ურთიერთოებიც გამემყარებინა, მაგრამ ვერ ვხედავ...

 

გუშინ მის გამოსვლაში ერთი სიტყვა არ იყო ნახსენები კოალიციაზე, და ახლა საუბრობენ, რომ ვინ გინახიათ ერთპარტიული მმართველობისკენ? კონტექსტს აქვს მნიშვნელობა, ჩვენ ყველა უბედურება, მათ შორის პერსონალურად, მიშა სააკაშვილსაც ყველა უბედურება მოუტანა ზუსტად იმან, რომ აღარ არსებობდა მუხრუჭი და ერთპარტიული მმართველობის პრობლემა ზუსტად ეგ არის, რომ შენ რომ გააფრენ, დამბალანსებელი აღარავინ არ გყავს", - განაცხადა გიგი უგულავამ "პალიტრანიუსის" ეთერში.

 

 

წყარო : wyaro
right_banner
არქივი
right_banner