logo_geo
eng_logo
შალვა პაპუაშვილი პირველი სამუშაო ვიზიტით ბრიუსელში, NATO-ს შტაბ-ბინაში შეხვედრებს გამართავს
- +

26 იანვარი. 2022. 12:06

 

საქართველოს პარლამენტის ახალარჩეული თავმჯდომარე, შალვა პაპუაშვილი  პირველი სამუშაო ვიზიტით ბრიუსელში, NATO-ს შტაბ-ბინაში შეხვედრებს გამართავს.

 

საპარლამენტო დელაგაცია, საქართველოს პარლამენტის თავმჯდომარის ხელმძღვანელობით,  NATO-საქართველოს კომისიის (NGC) შეხვედრაში მიიღებს მონაწილეობას.

 

საგარეო ურთიერთობათა კომიტეტის თავმჯდომარის,  ნიკოლოზ სამხარაძის განცხადებით, მნიშნელოვანია, რომ დროში ეს ვიზიტი დაემთხვა  საკმაოდ გართულებულ ვითარებას რეგიონში და ასევე მოლაპარაკებებს NATO-სა და რუსეთს შორის.

 

„ჩვენთვის მნიშვნელოვანია, მივიღოთ პირველწყაროსგან ინფორმაცია იმაზე, თუ როგორ მიმდინარეობს ეს მოლაპარაკებები, რამდენად მტკიცე არის NATO საქართველოს მხარდაჭერაში. ჩვენ გვსურს ვისაუბროთ სამომავლო პერსპექტივებზე, შესაძლო განვითარების სცენარებზე და ასევე იმ ნაბიჯებზე, რომელიც როგორც ჩვენ, ასევე NATO-მ უნდა გადადგას იმისათვის, რომ საქართველოს გაწევრიანება NATO-ში დაჩქარდეს. ეს არის კრიტიკულად მნიშვნელოვანი, იმიტომ, რომ დღეს უკვე ყველა ხვდება, რომ ევროპის უსაფრთხოება საქართველოსა და უკრაინის უსაფრთხოებაზე გადის და ამიტომ აქ დაყოვნება და დათმობები არის მიუღებელი“, - განაცხადა ნიკოლოზ სამხარაძემ.

 

დელეგაციის შემადგენლობაში, რომელსაც პარლამენტის თავმჯდომარე ხელმძღვანელობს, საქართველოს პარლამენტის თავდაცვისა და უშიშროების კომიტეტის თავმჯდომარე ირაკლი ბერაია, საგარეო ურთიერთობათა კომიტეტის თავმჯდომარე ნიკოლოზ სამხარაძე და საგარეო საქმეთა მინისტრის პირველი მოადგილე ლაშა დარსალია შედიან.

 

 

right_banner right_banner
არქივი
right_banner