საქართველოს პრეზიდენტი სალომე ზურაბიშვილი პეტრ პაველს ჩეხეთის საპრეზიდენტო არჩევნებში გამარჯვებას ულოცავს.

„გილოცავთ ჩეხეთის რესპუბლიკის პრეზიდენტად არჩევას. გისურვებთ წარმატებას და ველი თქვენთან მუშაობას, ველი ევროპულ ფასეულობებზე დაფუძნებულ საქართველო-ჩეხეთის ურთიერთობების გაღრმავებას“, - წერს ზურაბიშვილი „ტვიტერზე“.

ჩეხეთში 27-28 იანვარს გამართულ საპრეზიდენტო არჩევნების მეორე ტურში დამოუკიდებელმა კანდიდატმა, გადამდგარმა გენერალმა პეტრ პაველმა გაიმარჯვა.