logo_geo
eng_logo
გია აბაშიძე: ჩემი აზრით, კორძაძე ხაზარაძის წინააღმდეგ მუშაობს
- +

1 მარტი. 2019. 14:19

 

 

ანალიტიკოსი გია აბაშიძე სოციალურ ქსელში „თიბისი ბანკთან“ დაკავშირებულ პროცესებზე საკუთარი მოსაზრებების გამოქვეყნებას აგრძელებს.

 

„ბატონ ხაზარაძეს ადვოკატის შეცვლას ვურჩევდი. მგონია, რომ ბატონ კორძაძეს გენპროკურორობა სურს [ადვოკატების კბილაშვილ-თადუმაძის ფონზე, რასაკვირველია, ამ ადვოკატსაც რომ ჰქონდეს სურვილი, არაა გასაკვირი]. ჩემი აზრით, კორძაძე ხაზარაძის წინააღმდეგ მუშაობს - ჯერ განაცხადა, 80 მილიონი გავათეთრეთ, 17 კი არაო და ახლა ამ გრიფზე თავს ლაფი დაისხა. ისე კი, ამ თემაზე აქტიურად მოლაპარაკე ქალბატონი თინა ხიდაშელი ან სხვა რომელიმე ოპოზიციონერი პოლიტიკოსი-ანალიტიკოსი ხომ არ დაექირავებინა ადვოკატად? გაცილებით უფრო სარფიან რეკომენდაციებს იძლევიან ტელეეთერებში...“ - წერს ექსპერტი სოციალურ ქსელში და იქვე კორძაძის 28 თებერვლის პროკურატურის ბრიფინგზე კორძაძის პასუხს ურთავს:

 

„მე, როგორც მამუკა ხაზარაძის და ბადრი ჯაფარიძის ადვოკატმა, პროკურატურის 28 თებერვლის განცხადების პასუხად, იმის მიუხედავად რომ ახალი არაფერი თქმულა, მინდა ყურადღება კვლავ გავამახვილო შემდეგ საკითხებზე:

 

  1. პროკურატურა საქმეს იძიებს ,,ფულის გათეთრების” მუხლით. რაც მეტ კომენტარს აკეთებს ამ საქმეზე საგამოძიებო ორგანო, მით უფრო ნათელი ხდება, რომ არავითარ ფულის გათეთრებასთან საქმე არ გვაქვს და ბუნებაში ვერ გვექნება იმ უბრალო მიზეზის გამო, რომ ყველა ოპერაცია ლეგალურია, შესრულებულია საბანკო გადარიცხვის გზით და არაერთხელ შემოწმდა რეგულატორის მიერ. არ არსებობს ,,შავი ფული”, რომელიც ვინმემ ,,გაათეთრა”. უფრო მეტიც, თვით ეროვნული ბანკიც ბოლო შემოწმების აქტში, რომლის საფუძველზე გამოსცა სანქციები, არსად ახსენებს ფულის გათეთრებას.

 

  1. გამოძიება მიმდინარეობს გრიფით „საიდუმლო“. საქმეზე არავინაა ბრალდებული. ამ დროს პროკურატურა დრო და დრო აკეთებს განცხადებას მამუკა ხაზარაძესა და ბადრი ჯაფარიძესთან დაკავშირებით, აქვეყნებს მათი მოწმედ დაკითხვის ჩვენებებიდან ამოგლეჯილ ფრაზებს. მაშინ, როცა მათ როგორც მოწმეებს, მოქმედი კანონმდებლობით არათუ საქმის მასალების ნახვის, საკუთარი ჩვენების ასლის მიღების უფლებაც არ აქვთ.

 

  1. პროკურატურა ბრიფინგებს აწყობს იმ მოტივით, რომ აკმაყოფილებს მაღალ საზოგადოებრივ ინტერესს, ამასთან არ ხსნის საქმეს საიდუმლო გრიფს და არ იძლევა საშუალებას საზოგადოებას სრულად მიიღოს ინფორმაცია.

 

რჩება შთაბეჭდილება, რომ გამოძიების და ამ ბრიფინგების მიზანი არა საქმეში სამართლებრივი სიცხადის შეტანა, არამედ მამუკა ხაზარაძისა და ბადრი ჯაფარიძისათვის რეპუტაციული ზიანის მიყენება. ამასთან მათ, კიდევ ერთხელ ვიმეორებ, მხოლოდ მოწმის სტატუსი აქვთ და არ გააჩნიათ სისხლის სამართლის კოდექსით გათვალისწინებული არავითარი ბერკეტი პროკურატურისთვის სამართლებრივი პასუხის გასაცემად.

 

  1. ყოველივე ზემოაღნიშნული გვაფიქრებინებს, რომ საქმე გვაქვს არა გამჭვირვალე და ობიექტურ გამოძიებასთან, რომლის მიზანი სიმართლის დადგენაა, არამედ მამუკა ხაზარაძის და ბადრი ჯაფარიძის წინააღმდეგ მიმდინარე მიზანმიმართულ კამპანიასთან“. - აცხადებს კორძაძე.

 

გუშინ მთავარმა პროკურატურამ ბრიფინგი ჩაატარა და მაღალი საზოგადოებრივი ინტერესიდან გამომდინარე, საზოგადოებას „თიბისი ბანკთან“დაკავშირებით ამ ეტაპისთვის გამოძიების მიერ დადგენილი გარემოებები გააცნო. საგამოძიებო უწყების ინფორმაციით, 2012 წელს „თიბისი" ბანკმა შპს „სამგორი თრეიდი" და „სამგორი M“ საერთოდ გაათავისუფლა ბანკის წინაშე არსებული სასესხო ვალდებულებისგან“.

 

 

right_banner right_banner
არქივი
right_banner
×