ზაზა შათირიშვილი: 2008 წლის ომში, როდესაც სისხლი დავღვარეთ, სად იყო მაშინ სანქციები რუსეთის მიმართ?! ვინ დაგვეხმარაა?! – არავინ!
ფილოსოფოსმა, ზაზა შათირიშვილმა გადაცემა „იმედი LIVE“-ში 2008 წლის აგვისტოს ომი გაიხსენა და აღნიშნა, რომ მაშინ საქართველოს არავინ დაეხმარა.
„2008 წლის ომში, როდესაც ჩვენ სისხლი დავღვარეთ, სად იყო მაშინ სანქციები რუსეთის მიმართ?! ჩვენ ხომ სისხლი დავღვარეთ, ჩვენ ხომ ვიბრძოლეთ, ფაქტობრივად ქვეყნის ყოფნა არ ყოფნის საკითხი იდგა და ვინ დაგვეხმარა?! – არავინ! ჩამოგვიტანეს პამპერსები და წყალი. ამის მერე ქართველი ხალხი მეორეჯერ ერთსა და იმავე მდინარეში არ შევა. ჩვენ მივიღეთ ძალიან მწარე გამოცდილება. ერთსა და იმავე მდინარეში, მეორეჯერ იმიტომ არ შევალ, რომ არ ვიბრძოლებ სხვის ომში. მე ვიბრძოლებ ჩემს ომში და ჩემი ომი არის მშვიდობის შენარჩუნება საქართველოში“, – აღნიშნა ზაზა შათირიშვილმა.