logo_geo
eng_logo
აკაკი ზოიძე: მესმის, წინასაარჩევნო პერიოდია, მაგრამ ბინძური მეთოდებით დაპირისპირებას ბოლო უნდა მოეღოს
- +

18 ოქტომბერი. 2018. 13:26

 

პარლამენტის ჯანდაცვის კომიტეტის თავმჯდომარე აკაკი ზოიძე „რუსთავი 2“-ის მიერ ბოლო პერიოდში გავრცელებულ ჩანაწერებს გამოეხმაურა. როგორც ზოიძემ აღნიშნა, ცდილობენ, დააბრუნონ ფარული ჩანაწერების მოყვარულთა საზოგადოება, რომელიც „ნაციონალურ მოძრაობას“ ჰქონდა.

 

„ამაზრზენ, გამრუდებულ რეალობაში გვაცხოვრებენ და ცდილობენ, დააბრუნონ ფარული ჩანაწერების მოყვარულთა საზოგადოება, რომელიც თავის დროზე ჰქონდა „ნაციონალურ მოძრაობას“. ერთმანეთსაც პათოლოგიური ინტერესით უღებდნენ პირადი ცხოვრების ამსახველ კადრებს და ახლაც სურთ, ანალოგიურ დღის წესრიგში დააბრუნონ მოსახლეობა“,  – განაცხადა ზოიძემ.

 

მისი თქმით, მოქალაქეები ამით უკვე დაიღალნენ და მსგავსი სახით დაპირისპირებას ბოლო უნდა მოეღოს. თუმცა, თითოეული ფაქტი გამოძიებული უნდა იყოს.

 

„ვუსმენდი მოქალაქეების გამოკითხვას და ძალიან მენიშნა მათი რეაქციის, რომ დაიღალა ხალხი ამდენის მოსმენით. თუმცა ეს არ ნიშნავს, რომ თითოეული ფაქტი არ უნდა იყოს გამოძიებული, ავთენტურობა დადგენილი, მაგრამ ამ დღის წესრიგით ცხოვრებას ალბათ არავინ აპირებს. მესმის, წინასაარჩევნო პერიოდია, მაგრამ ჩემი აზრით, ამ ბინძური მეთოდებით ერთმანეთთან დაპირისპირებას ბოლო უნდა მოეღოს“, – განაცხადა აკაკი ზოიძემ.

 

 

 

right_banner right_banner
არქივი
right_banner