logo_geo
eng_logo
გურამ მაჭარაშვილი: საზოგადოება უფრო რწმუნდება, რომ პატიმარ სააკაშვილის მოთხოვნა არის მხოლოდ და მხოლოდ სპეკულაცია
- +

17 ნოემბერი. 2021. 10:27

 

 

 

„რაც დრო გადის, საზოგადოება უფრო რწმუნდება, რომ პატიმარ სააკაშვილის მოთხოვნა და მისი მეგობრების მოთხოვნები არის მხოლოდ და მხოლოდ სპეკულაციები“, - ამის შესახებ საპარლამენტო უმრავლესობის წევრმა, გურამ მაჭარაშვილმა „ქრონიკას“ განუცხადა.

 

„საზოგადოება უკვე კარგად ხედავს, რომ მე-18 დაწესებულება არის მულტიფუნქციური“, - განაცხადა გურამ მაჭარაშვილმა.

 

საქართველოს ყოფილი პრეზიდენტი, მიხეილ სააკაშვილი 1-ელ ოქტომბერს დააკავეს. პატიმრობაში მყოფმა სააკაშვილმა შიმშილობა გამოაცხადა. სააკაშვილის ადვოკატები და სახალხო დამცველი ყოფილი პრეზიდენტის სამოქალაქო საავადმყოფოში გადაყვანას ითხოვენ, იუსტიციის სამინისტრო კი აცხადებს, რომ #18 სასჯელაღსრულების (სამკურნალო) დაწესებულებაში სააკაშვილის მკურნალობისთვის ყველა აუცილებელი პირობა არსებობს.

 

6 ნოემბერს პენიტენციურმა სამსახურმა გაასაჯაროვა იმ პროდუქტების ამსახველი ფოტომასალა, რომლებითაც პატიმარი სააკაშვილი იკვებებოდა.

 

მიხეილ სააკაშვილი გლდანის მე-18 სამკურნალო დაწესებულებაში 8 ნოემბერს გადაიყვანეს.

 

სტრასბურგის სასამართლომ არ დააკმაყოფილა სააკაშვილის საჩივარი კერძო კლინიკაში გადაყვანასთან დაკავშირებით და შიმშილობის შეწყვეტა მოსთხოვა.

 

მიხეილ სააკაშვილი შიმშილობის შესაწყვეტად გარკვეულ პირობებს აყენებს.

 

 

 

right_banner right_banner
არქივი
right_banner